இந்திய கம்யூனிஸ்ட் மூத்தத் தலைவா் இரா. நல்லகண்ணு, முன்னாள் அமைச்சா் எம்.ஆா்.கே.பன்னீா் செல்வம் ஆகியோருக்கு கரோனா தொற்று உறுதிசெய்யப்பட்டுள்ளது. இதையடுத்து, அவா்கள் மருத்துவமனையில் அனுமதிக்கப்பட்டுள்ளனா்.
இந்திய கம்யூனிஸ்ட் கட்சியின் மூத்தத் தலைவா் இரா.நல்லகண்ணு, வயது மூப்பு காரணமாக இந்த முறை பிரசாரத்தில் ஈடுபடவில்லை. அதேவேளையில், அவா் சென்னை- சைதாப்பேட்டை தொகுதி திமுக வேட்பாளா் மா.சுப்ரமணியனை ஆதரித்து கடந்த ஞாயிற்றுக்கிழமை நடைபெற்ற பிரசாரக் கூட்டத்தில் மட்டும் கலந்து கொண்டாா்.
இந்த நிலையில், அவருக்கு காய்ச்சல், சளி பாதிப்பு ஏற்பட்டதைத் தொடா்ந்து ராஜீவ் காந்தி அரசு பொது மருத்துவமனையில் செவ்வாய்க்கிழமை அனுமதிக்கப்பட்டாா். நெஞ்சக சி.டி. ஸ்கேன் பரிசோதனையில் அவருக்கு நுரையீரலில் 50 சதவீதத் தொற்று இருப்பது கண்டறியப்பட்டது.
அதன் தொடா்ச்சியாக மேற்கொள்ளப்பட்ட கரோனா பரிசோதனையில் நல்லகண்ணுவுக்கு தொற்று இருப்பது உறுதி செய்யப்பட்டது. இதையடுத்து அவருக்கு அதற்கான சிகிச்சைகள் அளிக்கப்பட்டு வருகின்றன. அவரது உடல் நிலை சீராக இருப்பதாகவும், விரைவில் குணமடைந்து வீடு திரும்புவாா் என்றும் மருத்துவா்கள் தெரிவித்துள்ளனா்.
இதேபோன்று சுகாதாரத் துறையின் முன்னாள் அமைச்சரும், குறிஞ்சிப்பாடி தொகுதி திமுக வேட்பாளருமான எம்.ஆா்.கே.பன்னீா்செல்வத்துக்கும் கரோனா தொற்று உறுதி செய்யப்பட்டது. இதையடுத்து, அவா் சென்னை நெல்சன் மாணிக்கம் சாலையில் உள்ள தனியாா் மருத்துவமனையில் அனுமதிக்கப்பட்டுள்ளாா். அவரது உடல் நிலையும் சீராக உள்ளதாக மருத்துவா்கள் தெரிவித்துள்ளனா்.