Enable Javscript for better performance
காஞ்சி சங்கர மடத்தில் மகா பெரியவர் ஜயந்தி விழா- Dinamani

சுடச்சுட

    

    காஞ்சி சங்கர மடத்தில் மகா பெரியவர் ஜயந்தி விழா

    By DIN  |   Published on : 26th May 2021 04:30 PM  |   அ+அ அ-   |    |  

    periva

    மகா பெரியவர் அதிஷ்டானத்தில் சிறப்பு பூஜைகள் செய்த காஞ்சி சங்கர மடத்தின் மடாதிபதி விஜயேந்திர சரஸ்வதி சுவாமிகள்

     

    பக்தர்களால் மகா பெரியவர் என அழைக்கப்படும் சந்திர சேகரேந்திர சரஸ்வதி சுவாமிகளின் 128 வது ஜயந்தி விழா காஞ்சிபுரம் சங்கர மடத்தில் புதன்கிழமை நடைபெற்றது.

    காஞ்சி சங்கர மடத்தின் 68வது மடாதிபதியாக இருந்து வந்தவர் சந்திரசேகரேந்திர சரஸ்வதி சுவாமிகள். இவர் பக்தர்களால் மகா பெரியவர் என அன்போடு அழைக்கப்பட்ட பெருமைக்குரியவர். இவரது 108வது ஜயந்தி விழாவை முன்னிட்டு சங்கர மடத்தில் உள்ள அவரது அதிஷ்டானத்தில் சிறப்பு அபிஷேகமும்,விசேஷ தீபாராதனைகளும் நடைபெற்றன. 

    காஞ்சி சங்கர மடத்தின் மடாதிபதி விஜேயந்திர சரஸ்வதி சுவாமிகள் அபிஷேகத்தையும்,சிறப்பு தீபாராதனைகளையும் நடத்தினார். வேதவிற்பன்னர்களால் வேதபாராயணங்களும் நடந்தன.மகா பெரியவரின் அதிர்ஷ்டானம் வெற்றி வேர் மாலை மற்றும் வண்ண மலர்களாலும் அலங்கரிக்கப்பட்டிருந்தது. கரோனா அச்சுறுத்தல் காரணமாக மிகக்குறைவான பக்தர்களே அனுமதிக்கப்பட்டிருந்தனர்.

    அன்னதானம்

    காஞ்சி காமாட்சி சங்கர மட வரவேற்புக்குழு சார்பில் மகா பெரியவரின் ஜயந்தி உற்சவத்தை முன்னிட்டு 600 உணவுப் பொட்டலங்களும் தயாரிக்கப்பட்டு ஏழைகளுக்கு வழங்கப்பட்டன.அன்னதானத்தை காஞ்சி சங்கர மடத்தின் ஸ்ரீகாரியம் செல்லா விஸ்வநாத சாஸ்திரி,காஞ்சி காமாட்சி அம்மன் கோயில் ஸ்ரீகாரியம் ந.சுந்தரேசன் ஆகியோர் தொடங்கி வைத்தனர்.

    அன்னதானம் வழங்கும் நிகழ்வில் தொழிலதிபர்கள் வி.கேசவன்,தி.கிட்டப்பன் ஆகியோர் உட்பட பலரும் கலந்து கொண்டனர்.ஏற்பாடுகளை வரவேற்புக் குழுவின் ஒருங்கிணைப்பாளர் காஞ்சி.வி.ஜீவானந்தம் செய்திருந்தார்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp