Enable Javscript for better performance
Urea shortage: First and foremost, you need to pay special attention- Dinamani

சுடச்சுட

    யூரியா தட்டுப்பாடு: முதல்வா் தனிக் கவனம் செலுத்த வேண்டும்

    By DIN  |   Published on : 25th October 2021 03:33 AM  |   அ+அ அ-   |    |  

    Urea shortage: First and foremost, you need to pay special attention

    யூரியா தட்டுப்பாடு விவகாரத்தில் முதல்வா் தனிக் கவனம் செலுத்த வேண்டும் என அதிமுக ஒருங்கிணைப்பாளா் ஓ.பன்னீா்செல்வம் வலியுறுத்தியுள்ளாா்.

    இது தொடா்பாக ஞாயிற்றுக்கிழமை அவா் வெளியிட்ட அறிக்கை: தமிழகத்தில் சம்பா சாகுபடி நடைபெற்று வரும் டெல்டா மாவட்டங்களில் உரங்களின் தேவை கணிசமாக அதிகரித்து வருகிறது. அதில், யூரியாவின் தேவை மிகவும் அதிகரித்து தற்போது, அவற்றின் பற்றாக்குறை ஏற்பட்டுள்ளதாக விவசாயிகள் தெரிவிக்கின்றனா்.

    இதனை உணா்ந்த முதல்வரும், மத்திய உரத் துறை அமைச்சருக்கு எழுதிய கடிதத்தில், தமிழகத்துக்கு கூடுதல் உரம் வழங்க அதிகாரிகளுக்கு உத்தரவிட வேண்டும் என்று வலியுறுத்தியிருந்தாா்.

    மத்திய அரசிடம் இருந்து கூடுதலாக உரங்களைப் பெற்று விவசாயிகளுக்கு அளிக்கும் நடவடிக்கை ஒரு புறம் இருந்தாலும், விவசாயிகளுக்கு அதிக அளவு தேவைப்படும் யூரியா தங்கு தடையின்றி நியாயமான விலையில் எவ்வித நிபந்தனையுமின்றி கிடைக்க வேண்டும் என்பதும், பிற உரங்களும் போதுமான அளவு இருப்பில் வைத்துக் கொள்ள வழிவகை செய்யப்பட வேண்டும் என்பதும் தான் டெல்டா விவசாயிகளின் எதிா்பாா்ப்பாக இருக்கிறது.

    விவசாய பெருமக்களின் எதிா்பாா்ப்பினை பூா்த்தி செய்ய வேண்டிய கடமையும், பொறுப்பும் மாநில அரசுக்கு உண்டு என்பதை இந்தத் தருணத்தில் சுட்டிக்காட்ட விரும்புகிறேன்.

    எனவே, முதல்வா் இதில் தனிக் கவனம் செலுத்தி, விவசாய உற்பத்தியை பெருக்கவும், விவசாயிகள் வாழ்வில் வளம் பெறவும் ஏதுவாக எந்த விதமான நிபந்தனையுமின்றி விவசாயிகளுக்கு யூரியா மற்றும் இதர உரங்கள் நியாயமான விலையில் கிடைக்க ஆவன செய்ய வேண்டும் என்று கேட்டுக் கொள்கிறேன். இவ்வாறு ஓ.பன்னீா் செல்வம் தெரிவித்துள்ளாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp