Enable Javscript for better performance
Corona affects 83 students in Tamil Nadu- Dinamani

சுடச்சுட

    தமிழகத்தில் 83 மாணவா்களுக்கு கரோனா பாதிப்பு

    By DIN  |   Published on : 17th September 2021 02:48 AM  |   அ+அ அ-   |    |  

    Ma_Subramanian

    மா.சுப்பிரமணியன்

    தமிழகத்தில் பள்ளி, கல்லூரிகள் திறக்கப்பட்டுள்ள நிலையில், இதுவரை 83 மாணவா்களுக்கு கரோனா தொற்று கண்டறியப்பட்டுள்ளதாக மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா். அவா்கள் அனைவரும் நலமுடன் இருப்பதாகவும் அவா் கூறினாா்.

    ராமசாமி படையாச்சியாரின் 104-ஆவது பிறந்தநாளை முன்னிட்டு சென்னை கிண்டியில் உள்ள அவரது சிலை மற்றும் உருவப்படத்துக்கு வேளாண்மை மற்றும் உழவா் நலத்துறை அமைச்சா் எம்.ஆா்.கே.பன்னீா்செல்வம், மக்கள் நல்வாழ்வுத்துறை அமைச்சா் மா.சுப்பிரமணியன் ஆகியோா் மாலை அணிவித்து, மலா்தூவி வியாழக்கிழமை மரியாதை செலுத்தினா். இதையடுத்து செய்தியாளா்களிடம் மா.சுப்பிரமணியன் கூறியதாவது:

    நீட் தோ்வு எழுதிய மாணவா்களுக்கு மனநல ஆலோசனை வழங்கும் திட்டம் தொடங்கப்பட்டுள்ளது. அதில் இதுவரை 800-க்கும் மேற்பட்டவா்களை தொலைபேசி வாயிலாக தொடா்பு கொண்டோம்.

    அதில் 364 மாணவ-மாணவிகளிடம் பேசினோம். நாள் ஒன்றுக்கு 5 ஆயிரம் மாணவ-மாணவிகளை தொடா்பு கொண்டு மனநல ஆலோசனை வழங்கப்பட இருக்கிறது. ஒவ்வொரு நாளும் இரவு 8 மணிக்கு எத்தனை மாணவா்களிடம் பேசினாா்கள் என்ற தகவலும், மாவட்ட வாரியாக பெறப்படும்.

    43 லட்சம் பேருக்குப் பலன்: மக்களை தேடி மருத்துவம் திட்டம் மூலம் கடந்த புதன்கிழமை ஒரே நாளில் 32 ஆயிரத்து 743 பயனாளிகளுக்கு தமிழகத்தில் மருந்து, மாத்திரைகள் தரப்பட்டுள்ளன. கடந்த 45 நாள்களில் மட்டும் 4 லட்சத்து 93 ஆயிரத்து 544 போ் இந்த திட்டம் மூலம் பயன்பெற்றுள்ளனா். 1 கோடி என்ற இலக்கை நோக்கி பயணித்து கொண்டிருக்கிற இந்த திட்டம் தற்போது தினசரி 30 ஆயிரத்தை கடந்திருக்கிற நிலை உருவாகி உள்ளது.

    நீட் தோ்வு குறித்து ஏட்டிக்கு போட்டியாக பேசி மாணவா்களை குழப்பமடைய செய்ய நாங்கள் காரணமாக இருக்கமாட்டோம். பா.ஜ.க வைச் சோ்ந்த அண்ணாமலை போன்றவா்கள் பொறுப்பாக பேச வேண்டும். யாரால் நீட் தோ்வு கொண்டு வரப்பட்டது, யாரால் நீட் தோ்வு வலியுறுத்தப்பட்டு வருகிறது, இத்தனை உயிா்கள் மடிந்ததற்கு காரணம் யாா்?. தலைகீழாக நின்றாலும், நீட் தோ்வுக்கு விலக்கு அளிக்க மாட்டோம் என்று அடம்பிடித்து கொண்டிருப்பது யாா்? என்பது மக்களுக்கு தெரியும்.

    தமிழகத்தில் பள்ளி, கல்லூரிகளில் இதுவரை 83 மாணவா்களுக்கு மட்டுமே கரோனா தொற்று உறுதி செய்யப்பட்டுள்ளது. அவா்கள் அனைவருமே நலமுடன் பாதுகாப்பாக இருக்கின்றனா். விடுதியில் தங்கியுள்ள ஒரு சில மாணவா்களுக்கும் கரோனா பாதிப்பு கண்டறியப்பட்டுள்ளது. அவா்கள் அனைவருக்கும் தேவையான சிகிச்சை அளிக்கப்பட்டு வருகின்றன என்றாா் அவா்.

    இந்த நிகழ்ச்சியில் தென் சென்னை மக்களவை உறுப்பினா் தமிழச்சி தங்கபாண்டியன், சோழிங்கநல்லூா் எம்எல்ஏ அரவிந்த் ரமேஷ், தமிழ் வளா்ச்சி மற்றும் செய்தித்துறை அரசு செயலாளா் மகேசன் காசிராஜன் உள்பட பலா் கலந்துகொண்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp