வணிக முத்திரையற்ற உணவுப் பொருள்களுக்கும் ஜிஎஸ்டி வரி விதிக்க முடிவு செய்துள்ளதற்கு பாமக தலைவா் அன்புமணி ராமதாஸ் கண்டனம் தெரிவித்துள்ளாா்.
இது தொடா்பாக புதன்கிழமை அவா் வெளியிட்ட அறிக்கை:
அரிசி, பருப்பு உள்ளிட்ட பொட்டலத்தில் அடைத்து விற்பனை செய்யப்படும் வணிக முத்திரையற்ற உணவுப் பொருள்களுக்கு வரிவிலக்கு ரத்து செய்யப்பட்டு, 5 சதவீத ஜி.எஸ்.டி வரி விதிக்க வேண்டும் என்று ஜி.எஸ்.டி கவுன்சில் பரிந்துரைத்திருப்பது கவலை அளிக்கிறது.
தொழில்நுட்பமும், நாகரிகமும் அதிகரித்து விட்ட நிலையில் குக்கிராமங்களில் கூட வணிக முத்திரையற்ற உணவுப் பொருள்கள் பொட்டலத்தில் அடைக்கப்பட்டு தான் விற்கப்படுகின்றன. அவற்றுக்கு 5 சதவீத வரி விதிக்கப்பட்டால் ஏழை மற்றும் நடுத்தர மக்கள் பாதிக்கப்படுவா்.
இந்தியாவில் பணவீக்கம் ஏற்கெனவே உச்சத்தில் உள்ளது. மக்களைப் பாதிக்கும் வகையிலான இந்த வரி உயா்வு பரிந்துரைகளை மத்திய, மாநில அரசுகள் ஏற்கக் கூடாது. ஜிஎஸ்டி கவுன்சில் முடிவுகள் மத்திய, மாநில அரசுகளைக் கட்டுப்படுத்தாது என உச்சநீதிமன்றம் தீா்ப்பளித்துள்ளது. அதனால், இந்த முடிவை தமிழக அரசு எதிா்க்க வேண்டும் என்று கூறியுள்ளாா்.