சென்னையில் மோட்டாா் சைக்கிளில் விரட்டி சென்று வீராங்கனைக்கு தொந்தரவு கொடுக்கப்பட்டது குறித்து போலீஸாா் விசாரணை நடத்தி வருகின்றனா்.
சென்னையைச் சோ்ந்த பிரபல மோட்டாா் சைக்கிள் வீராங்கனை நிவேதா ஜெஸிக்கா. இவா் அண்ணாநகரில் இருந்து தனது மோட்டாா் சைக்கிளில் கடந்த செவ்வாய்க்கிழமை இரவு வீட்டுக்கு திரும்பி வந்து கொண்டிருந்தாா். அவா் அசோக் பில்லா் அருகே செல்லும்போது, அவரை மோட்டாா் சைக்கிளில் ஒரு மா்ம நபா் பின் தொடா்ந்துள்ளாா். இதனால் நிவேதா, தனது மோட்டாா் சைக்கிளை வேகமாக ஓட்டினாா்.
ஆனால் அந்த நபரும், ஜெஸிக்காவை விரட்டி வந்துள்ளாா். ஒரு கட்டத்தில் ஜெஸிக்கா, ஆலந்தூா் மெட்ரோ ரயில் நிலையம் அருகே மோட்டாா் சைக்கிளை நிறுத்தி விட்டு, நின்றுள்ளாா். இதைப் பாா்த்ததும் அந்த நபா், மறைவாக நின்றுள்ளாா். இதையடுத்து ஜெஸிக்கா அங்கிருந்து மோட்டாா் சைக்கிளில் வீட்டுக்கு மீண்டும் புறப்பட்டு சென்றாா்.
இதை நோட்டமிட்ட அந்த நபா், மீண்டும் ஜெஸிக்காவை மோட்டாா் சைக்கிளில் விரட்டினாா். இதைப் பாா்த்து ஜெஸிக்கா அதிா்ச்சியடைந்துள்ளாா். இதையடுத்து அவா், ஆதம்பாக்கம் காவல் நிலையத்தில் புகாா் அளித்தாா். அந்த புகாரின் அடிப்படையில் போலீஸாா் விசாரணை செய்கின்றனா். இந்தச் சம்பவத்தை ஜெஸிக்கா, தனது ட்விட்டா் பக்கத்திலும் பதிவிட்டுள்ளாா். இதற்கு சென்னை பெருநகர காவல்துறை, தடயங்களை சேகரித்து நடவடிக்கை எடுத்து வருவதாக பதில் அளித்துள்ளது.