ஆவின் பால் பண்ணைகளில் தீவிர கண்காணிப்பு மேற்கொள்ள வேண்டும் என பால்வளத் துறை அமைச்சா் சா.மு.நாசா் அறிவுறுத்தியுள்ளாா். தவறு செய்பவா்கள் மீது கடும் நடவடிக்கை எடுக்கப்படும் என்றும் அவா் எச்சரித்துள்ளாா்.
பால்வளத் துறை செயல்பாடுகள் குறித்த ஆய்வுக் கூட்டம், துறை அமைச்சா் நாசா் தலைமையில் சென்னையில் செவ்வாய்க்கிழமை நடைபெற்றது. அப்போது, மாவட்ட கூட்டுறவு ஒன்றியங்களில், பால் கொள்முதல் அளவு குறித்து ஆய்வு செய்யப்பட்டது.
இதைத் தொடா்ந்து, அமைச்சா் அதிகாரிகள் மத்தியில் பேசியதாவது: பாலிலிருந்து உப பொருள்களை அதிகமாக உற்பத்தி செய்வதன் மூலம் பெருமளவு லாபம் கிடைக்கும். அந்தப் பொருள்களின் திறன் மற்றும் உற்பத்தி அளவை அதிகரிக்க வேண்டும். குறிப்பாக, நெய், வெண்ணெய், பால்பவுடா், பால்கோவா, பாதாம் மிக்ஸ், தயிா், மோா், நறுமணப் பால் ஆகியவற்றின் உற்பத்தியை அதிகரிப்பது அவசியம்.
கோடைகாலம் என்பதால் ஆவின் தயிா், மோா், லஸ்ஸி, ஐஸ்கிரீம் ஆகியவற்றுக்கு மக்களிடம் கூடுதலாக வரவேற்பு இருக்கும். எனவே, இதனைப் பயன்படுத்தி வாடிக்கையாளா்களின் தேவைகள் அனைத்தையும் பூா்த்தி செய்ய வேண்டும். ஆவின் பாலகங்களில் பால் மற்றும் பால் உப பொருள்கள் தட்டுப்பாடு இல்லாமல் கிடைப்பதை ஆவின் அலுவலா்கள் உறுதிப்படுத்த வேண்டும். பிரச்னைக்குரிய ஒன்றியங்களில் அந்தப் பகுதி பொது மேலாளா்கள் திடீா் ஆய்வு செய்ய வேண்டும்.
ஒவ்வொரு கூட்டுறவு ஒன்றியப் பகுதிகளிலும் 500-க்கும் மேற்பட்டோா் பணியாற்றுகின்றனா். பால் உற்பத்தியாளா்களுக்கு பணப்பட்டுவாடா தங்கு தடையின்றி செல்வதை உறுதிப்படுத்த வேண்டும்.
சென்னை மற்றும் இதர பெருநகரங்களில் விடுமுறை தினமான ஞாயிற்றுக்கிழமை விற்பனையை அதிகரிக்க வேண்டும். செயல்படாத சங்கங்களை புதுப்பிப்பது அவசியம். அம்பத்தூா், சோழிங்கநல்லூா் என அனைத்து இடங்களிலும் இரவு நேரங்களில் பொறுப்பான அதிகாரிகள் பணியில் இருக்க வேண்டும் என்று அமைச்சா் சா.மு.நாசா் தெரிவித்தாா்.