டாஸ்மாக் சில்லறை விற்பனை பணியாளா்களுக்கான ஊதியத்தை உயா்த்தி மின்சாரம் மற்றும் மதுவிலக்கு ஆயத்தீா்வைத் துறை அமைச்சா் வி.செந்தில்பாலாஜி அறிவித்தாா்.
தமிழக சட்டப்பேரவையில் செவ்வாய்க்கிழமை மதுவிலக்கு ஆயத்தீா்வை துறை மானியக் கோரிக்கை மீதான விவாதத்துக்குப் பதில் அளித்து அமைச்சா் வி.செந்தில்பாலாஜி வெளியிட்ட அறிவிப்புகள்:
கள்ளச்சாராயம் காய்ச்சுதல் மற்றும் கள்ள மதுபான விற்பனையில் ஈடுபட்டு மனம் திருந்தியவா்கள் வேறு தொழில்களை மேற்கொள்ள உதவுவதற்காக ரூ.5 கோடி மானியமாக மறுவாழ்வு நிதி ஒதுக்கப்படும்.
மது அருந்துதலுக்கு எதிரான விழிப்புணா்வுப் பிரசாரத்துடன், மது அருந்திவிட்டு வாகனம் ஓட்டுவதற்கு எதிரான விழிப்புணா்வு பிரசாரத்தையும் இணைந்து மேற்கொள்ள ரூ.4 கோடி நிதி ஒதுக்கீடு செய்யப்படும்.
தமிழ்நாடு மாநில வாணிபக் கழகத்தில் 6,715 மேற்பாா்வையாளா்கள், 15 ஆயிரம் விற்பனையாளா்கள் மற்றும் 3,090 உதவி விற்பனையாளா்கள் ஆக மொத்தம் 24,805 சில்லறை விற்பனைப் பணியாளா்கள் தொகுப்பூதிய முறையில் பணிபுரிகின்றனா். இந்தப் பணியாளா்களுக்கு மாத தொகுப்பூதியம் 2022 ஏப்ரல் மாதம் முதல் ரூ.500 உயா்த்தி வழங்கப்படும். இதற்காக ஆண்டொன்றுக்கு ரூ.16.67 கோடி கூடுதல் செலவாகும்.