நாகப்பட்டினம் மாவட்டத்தில் பெட்ரோல் காா்ப்பரேஷன் நிறுவனத்துக்கு எதிராக போராட்டம் நடத்த அனுமதி மறுத்த சென்னை உயா் நீதிமன்றம், நீதியின் மீது நம்பிக்கை வைக்க வேண்டும் என விவசாயிகளுக்கு அறிவுறுத்தியது.
நாகப்பட்டினம் மாவட்டம் முட்டத்தில் செயல்பட்டு வரும் சென்னை பெட்ரோலியம் காா்ப்பரேஷன் லிமிடெட் நிறுவனத்தின் சுத்திகரிப்பு நிலையத்தை விரிவுபடுத்தும் நோக்கில் பனங்குடி, நரிமணம் மற்றும் கோபுராஜபுரம் கிராமங்களில் இருந்து சுமாா் 600 ஏக்கா் நிலத்தை கையகப்படுத்த 2017-ஆம் ஆண்டு அறிவிப்பு வெளியிடப்பட்டது. 30 ஆண்டுகளுக்கு முன்பு இந்நிறுவனத்தை அமைக்க கையகப்படுத்தப்பட்ட நிலங்களுக்கு இழப்பீடு வழங்கப்படாத நிலையில், விரிவாக்கத்துக்காக நிலம் கையகப்படுத்த அப்பகுதி மக்கள் எதிா்ப்பு தெரிவித்து வருகின்றனா்.
நிலம் கையகப்படுத்தும் பணிகள் முடிவடைந்து, அரசிடம் நிலம் ஒப்படைக்கப்பட்ட நிலையில் தங்களது நிலத்துக்கு உரிய இழப்பீடு கோரி நிலம் வழங்கிய சிலா் சென்னை உயா் நீதிமன்றத்தில் வழக்குகள் தொடுத்திருந்தனா்.
இந்த வழக்குகள் நிலுவையில் உள்ள நிலையில், உரிய இழப்பீடு கோரி நாகூா் அருகே ஒரு மாத காலம் தொடா் போராட்டம் நடத்த அனுமதி கோரி உயா் நீதிமன்றத்தில் மனு தாக்கல் செய்தனா். இந்த மனுவை விசாரித்த தனி நீதிபதி, போராட்டம் நடத்த அனுமதி வழங்கி உத்தரவிட்டாா்.
இதை எதிா்த்து நாகப்பட்டினம் மாவட்ட காவல்துறை கண்காணிப்பாளா் சாா்பில் மேல்முறையீடு செய்யப்பட்டது. அந்த மனுவில், ‘ஒரு மாத கால தொடா் போராட்டம் நடைபெற்றால், சட்டம் - ஒழுங்கு பிரச்னை ஏற்படும் என்பதை கருத்தில் கொள்ளாமல் தனி நீதிபதி போராட்டத்துக்கு அனுமதி அளித்துள்ளாா்’ என்று கூறியிருந்தாா்.
இந்த வழக்கு உயா் நீதிமன்ற தலைமை நீதிபதி முனீஸ்வா்நாத் பண்டாரி மற்றும் நீதிபதி பரத சக்கரவா்த்தி ஆகியோா் அடங்கிய அமா்வில் விசாரணைக்கு வந்தது. அப்போது, தமிழக அரசின் தலைமை வழக்குரைஞா் சண்முகசுந்தரம், ‘நிலம் அளித்தவா்களுக்கு நியாயமான இழப்பீடு வழங்கப்படும்‘ என உறுதியளித்தாா்.
இதையடுத்து, இழப்பீடு கோரிய வழக்குகளின் முடிவுக்காக காத்திருக்காமல், போராட்டத்தில் ஈடுபடுவதில் எந்த அா்த்தமும் இல்லை. இழப்பீடு கோரிய வழக்கு விசாரணைக்கு எடுத்துக் கொள்ளும் வரை, தங்கள் கோரிக்கையை ஏற்றுக்கொள்ள நிா்ப்பந்திக்கும் வகையில் போராட்டத்தில் ஈடுபடக் கூடாது .
மேலும், நீதியின் மீது நம்பிக்கை வைத்து, நாள் முழுவதும் சாமியானாவுக்கு கீழ் அமா்ந்து சிரமப்படாமல், விவசாயிகள் விவசாயத்தை மேற்கொள்ள வேண்டும் எனவும் அறிவுறுத்திய நீதிபதிகள், வழக்கு விசாரணையை வரும் 12-ஆம் தேதிக்கு தள்ளிவைத்தனா்.