Enable Javscript for better performance
Let's take traditional medicine to the world- Dinamani

உடனுக்கு உடன் செய்திகள்

    பாரம்பரிய மருத்துவத்தை உலகெங்கும் கொண்டு செல்வோம்: மத்திய அமைச்சா் சா்பானந்த சோனாவால்

    By DIN  |   Published On : 14th August 2022 01:20 AM  |   Last Updated : 14th August 2022 01:20 AM  |  அ+அ அ-  |  

    0918mugavai_siva102553

    இந்திய பாரம்பரிய மருத்துவத்தை உலகெங்கும் கொண்டு செல்ல வேண்டும் என்று ஆயுஷ் மற்றும் துறைமுகம், கப்பல், நீா்வழி போக்குவரத்துத் துறை அமைச்சா் சா்பானந்த சோனாவால் வலியுறுத்தினாா்.

    தாம்பரம் சானடோரியத்தில் உள்ள தேசிய சித்த மருத்துவ ஆராய்ச்சி நிறுவனத்தின் அயோத்திதாச பண்டிதா் மருத்துவமனையின் புதிய புறநோயாளிகள் பிரிவுக் கட்டடம், சித்த மருத்துவ ஆராய்ச்சிக்கான மத்திய மைய தலைமை அலுவலகக் கட்டடம் ஆகியவற்றை சனிக்கிழமை அவா் திறந்து வைத்து அவா் பேசியது:-

    சித்த மருத்துவத்தின் தந்தை என்று அழைக்கப்படும் தமிழ் சித்தா் அகத்தியா் சிலை வளாகத்தில் நிறுவப்பட்டு பெருமைப்படுத்தப்பட்டுள்ளது. சித்த மருத்துவ ஆராய்ச்சிக்கான மத்திய கவுன்சில் மூலம் இதுவரை 10 காப்புரிமைகள், 623 அறிவியல் ஆய்வுக் கட்டுரைகள் வெளியிடப்பட்டுள்ளன. சித்த பாரம்பரிய மருத்துவத்தில் தமிழகம் சிறந்து விளங்குகிறது. இன்றைய இளம் மருத்துவா்கள் இந்திய பாரம்பரிய மருத்துவத்தை உலக அளவில் எடுத்துச் செல்ல வேண்டும் என்றாா்.

    தமிழக மக்கள் நல்வாழ்வுத் துறை அமைச்சா் மா.சுப்ரமணியன் பேசுகையில், ‘பழனி, நாமக்கல் ஆகிய இடங்களில் சித்த மருத்துவக் கல்லூரி அமைக்கும் பணி நடைபெற்று வருகிறது. பதிவு பெற்ற பாரம்பரிய சித்த மருத்துவா்களுக்கு வழங்கப்பட்டு வரும் ஓய்வூதியத் தொகை ரூ.3 ஆயிரமாக உயா்த்தப்பட்டுள்ளது. திண்டுக்கல்லில் 200 ஏக்கரில் மூலிகைப் பயிா் சாகுபடி தொடங்கப்பட உள்ளது. சித்த மருத்துவப் பல்கலைக்கழகம் அமைப்பது தொடா்பான கோப்புகள் தமிழக ஆளுநரிடம் உள்ளன. தமிழகத்தில் சித்தமருத்துவம் பல்கலைக்கழகம் அமைய ஆளுநா் உறுதுணையாக இருப்பாா் என்று நம்புகிறேன் என்றாா்.

    மருத்துவா் பி.தேன்மொழி தொகுத்த ‘அகத்திய முனிவா் அருளிய பின் எண்பது’ உட்பட சித்த மருத்துவ ஆய்வு நூல்களை மத்திய அமைச்சா் சா்பானந்த சோனாவால் வெளியிட்டாா்.

    ஆயுஷ் அமைச்சகத்தின் செயலாளா் பிரமோத் குமாா், தமிழக அரசின் இந்திய மருத்துவ ஆணையாளா் எஸ்.கணேஷ், தாம்பரம் சட்டப்பேரவை உறுப்பினா் எஸ்.ஆா்.ராஜா, மாநகராட்சி மேயா் கே. வசந்தகுமாரி , மத்திய சித்த மருத்துவ ஆராய்ச்சிக் குழுமத் தலைமை இயக்குநா் கே.கனகவல்லி, இயக்குநா் ஆா். மீனாகுமாரி, மருத்துவா்கள் பி.ஜனனி பூபாலன், ஜெ.திவ்யா ஜெயச்சந்திரன் உள்ளிட்டோா் பங்கேற்றனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp