அனைத்து மாவட்டங்களும் மேம்படும் வகையில், தமிழகம் முழுமைக்கும் சமச்சீரான வளா்ச்சிக்கு செயல் திட்டம் தேவை என முதல்வா் மு.க.ஸ்டாலின் வலியுறுத்தினாா்.
தேவையற்ற செலவுகளைக் குறைத்து, புதிய துறைகளில் வருமானம் ஈட்ட ஆலோசனைகள் தேவை எனவும் அவா் கேட்டுக்கொண்டாா்.
மாநில வளா்ச்சி கொள்கை குழுவின் ஆய்வுக் கூட்டம் முதல்வா் மு.க.ஸ்டாலின் தலைமையில் செவ்வாய்க்கிழமை நடைபெற்றது. கூட்டத்தில், அவா் ஆற்றிய உரை:
மாநில வளா்ச்சி கொள்கை குழுவைச் சோ்ந்த அனைவரும் அரசுக்கு பல்வேறு ஆலோசனைகளைக் கூறுகிறீா்கள். உங்களிடம் இருந்து வரும் எண்ணங்கள் ஆலோசனைகளாக மட்டுமில்லாமல், அவை முழுமையான செயல் வடிவமாக எங்களுக்குக் கிடைக்க வேண்டும். புதிய எண்ணங்கள் குறித்து அதுபற்றிய வல்லுநா் குழுவுடன் நீங்களே ஆலோசனை நடத்தலாம். குறிப்பிட்ட தொழிற்சாலைகளுக்குச் சென்று பாா்வையிடலாம். அதன்பிறகு அவற்றை மேம்படுத்த அரசுக்கு உங்களது திட்ட அறிக்கையை வழங்கலாம்.
மேலும், துறைவாரியான வல்லுநா்களை நீங்கள் சந்திக்கலாம், கலந்துரையாடல் நடத்தலாம். வெளி மாவட்டங்களுக்குச் சென்று விவசாயிகள், தொழிலதிபா்கள், இளைஞா்களைச் சந்திக்கலாம். அவா்களது ஆலோசனைகளையும் பெறலாம். இவ்வாறான செயல்முறைத் திட்டங்களுடன் பணியாற்ற வேண்டும். மிக முக்கியமான ஆலோசனையாக இருந்தால் அதுகுறித்த முழுமையான பரிசீலனைக்குப் பிறகு அரசுக்குத் தெரிவிக்க வேண்டும்.
முழுமையான முன்னேற்றமில்லை: தமிழகம் பல்வேறு வகைகளில் முன்னேறிய மாநிலமாகத் திகழ்கிறது. அது நமக்கு பெருமை தருவதாகும். வளா்ச்சித் திட்டங்களையும் சமூக சீா்திருத்தத்தையும் இணைத்ததால் நமது மாநிலம் அடைந்த மாபெரும் பலன் அது. அதே நேரத்தில் முழுமையாக முன்னேற்றம் அடைந்துவிட்டோமா என்றால் இல்லை. அத்தகைய முழுமையான முன்னேற்றத்தை அடையத் தேவையானவை குறித்து சிந்திக்க வேண்டும்.
மனிதவள மேம்பாடு, வாழ்க்கைத் தரம், கல்வி கற்றல், குழந்தைகள் வளா்ப்பு, வறுமை ஒழிப்பு, மக்கள் நலவாழ்வு, மனித உரிமைகள் என அனைத்துத் தரப்புகளிலும் மேம்பட்டவா்களாக மாற வேண்டும்.
சமச்சீரான வளா்ச்சி: அனைத்து மாவட்டங்களிலும் ஒரே மாதிரியான சமச்சீரான வளா்ச்சி நம்மிடம் இல்லை. தொழில் வளா்ச்சியில் மாவட்டத்துக்கு மாவட்டம் வேற்றுமை உள்ளது; கல்வியிலும் மாறுபாடு இருக்கிறது. சில மாவட்டங்களில் வறுமை குறைவாகவும், சிலவற்றில் அதிகமாகவும் இருப்பதைக் காண்கிறோம். இந்த வேறுபாடுகளைக் களைய தமிழகம் முழுமைக்குமான சமச்சீரான செயல் திட்டம் தேவை. சமச்சீரான வளா்ச்சிக்கான பயணத்தை உடனடியாகத் தொடங்க வேண்டும்.
அரசு எண்ணற்ற திட்டங்களைச் செயல்படுத்துகிறது. இந்தத் திட்டங்கள் அடித்தட்டு மக்களைச் சென்றடைகின்றனவா என்பதைக் கண்காணிக்க வேண்டும். உரிய பலனைக் கொடுத்துள்ளனவா என்பதை கள ஆய்வு மூலமாக கண்காணித்துச் சொல்ல வேண்டும். திட்டங்கள் உருவாக்கம், அதனைச் செயலாக்கம் செய்வது ஆகியவற்றுக்கான கால இடைவெளியைக் குறைக்க வேண்டும்.
தமிழகத்தின் நிதி நெருக்கடியைச் சொல்லத் தேவையில்லை. தேவையற்ற செலவுகளைக் குறைப்பது குறித்த ஆலோசனைகள் தேவை. நிதி திரட்டுதல் என்பது முக்கியமான வரி வசூல் முறை. பத்திரப் பதிவு, ஆயத்தீா்வை ஆகியவற்றின் மூலம் மட்டுமே அரசுக்கு வருவாய் கிடைக்கப் பெறுகிறது. அதையும் தாண்டி, சுற்றுலா, சிறு குறு தொழில்கள், கைவினைப் பொருள்கள், கைத்தறி போன்ற துறைகளின் மூலமாகவும் வருவாய் ஈட்ட வழிமுறைகள் வகுக்கப்பட வேண்டும்.
தமிழகத்தின் வளா்ச்சி என்பது சமூகத்தின் வளா்ச்சியாக, வாழ்க்கை, சிந்தனை, பண்பாட்டு வளா்ச்சியாக இருக்க வேண்டும். அதுதான் உண்மையான வளா்ச்சி. அத்தகைய வளா்ச்சிக்குப் பெயா் சூட்ட வேண்டுமானால் அதுதான் ‘திராவிட மாதிரி’. பொருளாதாரம், கல்வி, சமூகம், சிந்தனை, செயல்பாடு ஆகிய ஐந்தும் ஒருசேர வளர வேண்டும். அதுதான் ‘திராவிட மாதிரி’ என்றாா் முதல்வா் மு.க.ஸ்டாலின்.
இந்தக் கூட்டத்தில், குழுவின் துணைத் தலைவா் ஜெ.ஜெயரஞ்சன், திட்டம், வளா்ச்சி மற்றும் சிறப்பு முயற்சிகள் துறை கூடுதல் தலைமைச் செயலா் விக்ரம் கபூா், முழுநேர உறுப்பினா் ராம.சீனுவாசன், உறுப்பினா் செயலா் ராஜ் சேகா், மாநிலத் திட்டக் குழு உறுப்பினா்கள் மு.தீனபந்து, சட்டப்பேரவை உறுப்பினா் டி.ஆா்.பி.ராஜா, சித்த மருத்துவா் கு.சிவராமன், நாட்டிய கலைஞா் நா்த்தகி நடராஜ் உள்ளிட்டோா் கலந்து கொண்டனா்.