சென்னையில் ஆபரண தங்கத்தின் விலை சவரனுக்கு மேலும் ரூ.544 குறைந்து ரூ.37,376-க்கு விற்பனையாகி வருகிறது.
தமிழகத்தில் கடந்த கடந்த ஜூலை 1-ஆம் தேதியிலிருந்து ஆபரணத் தங்கத்தின் விலை தொடா்ந்து ஏறுமுகமாகவே இருந்து வந்தது. குறிப்பாக சென்னையில் 22 காரட் ஆபரணத் தங்கத்தின் விலை செவ்வாய்க்கிழமை மாலை நிலவரப்படி கிராம் ரூ.4,805 ஆகவும், ஒரு சவரன் ரூ.38,440-க்கும் விற்பனையானது.
இந்த நிலையில் புதன்கிழமை சென்னையில் 22காரட் ஆபரணத் தங்கம் கிராம் ஒன்றுக்கு ரூ.65 குறைந்து, ரூ. 4,740-க்கும், சவரனுக்கு ரூ.520 குறைந்து ரூ.37,920-க்கும் விற்பனை செய்யப்பட்டது.
தொடர்ந்து இரண்டாவது நாளாக இன்றும் சவரனுக்கு ரூ.544 குறைந்து ரூ.37,376-க்கு விற்பனையாகி வருகிறது. கிராமுக்கு ரூ. 68 குறைந்து ரூ. 4,6,72க்கு விற்பனை செய்யப்படுகிறது. இரண்டே நாளில் சவரனுக்கு ரூ.1,064 குறைந்துள்ளதால் பொதுமக்களிடையே மகிழ்ச்சியை ஏற்படுத்தியுள்ளது.
இதேபோன்று வெள்ளி விலையும் குறைந்துள்ளது. வெள்ளி கிராம் ஒன்றுக்கு 10 பைசா குறைந்து ரூ.62.40-க்கு விற்பனையாகிறது.