Enable Javscript for better performance
ஆனைமலை புலிகள் காப்பகத்தில் யானையின் எலும்புக்கூடு கண்டுபிடிப்பு- Dinamani

உடனுக்கு உடன் செய்திகள்

    ஆனைமலை புலிகள் காப்பகத்தில் யானையின் எலும்புக்கூடு கண்டுபிடிப்பு

    By DIN  |   Published On : 07th June 2022 02:59 PM  |   Last Updated : 07th June 2022 03:27 PM  |  அ+அ அ-  |  

    WhatsApp_Image_2022-06-07_at_2

    ஆனைமலை புலிகள் காப்பகம் உட்பட்ட உலாந்தி வனச்சரகத்தில் யானையின் எலும்புக்கூடு கண்டுபிடிக்கப்பட்டுள்ளது. வேட்டையாடப்பட்டதா என வனத்துறையினர் விசாரணை மேற்கொண்டு வருகின்றனர். 

    பொள்ளாச்சி ஆனைமலை புலிகள் காப்பகத்துக்கு உட்பட்ட ஆறு வனச்சரகங்கள் உள்ளன. இதில் உலாந்தி வனச்சரகம் டாப்சிலிப் பகுதியில் காட்டு யானை, புள்ளிமான், காட்டு மாடு, சிறுத்தை, புலி என விலங்குகள் அதிகம் வசிக்கும் பகுதியாகும்.

    இந்நிலையில் டாப்ஸ்லிப்லிருந்து ஒட்டியுள்ள பரம்பிக்குளம் பெரியார் புலிகள் காப்பகம் பகுதி உள்ளது, தூணக்கடவு அணை ஓரம் 1ல் உள்ள டனால் பகுதியில் வனத்துறையினர் ரோந்து பணியின்போது இறந்த யானையின் எலும்புக்கூடு இருப்பதைக் கண்டு வனத்துறை உயர் அதிகாரிகளுக்கு தகவல் அளித்தனர். 

    ஆனைமலை புலிகள் காப்பக கள இயக்குனர் ராமசுப்பிரமணியம் உத்தரவின் பேரில் வனச்சரகர் காசிலிங்கம் தலைமையில் வனத்துறையினர் மற்றும் வேட்டை தடுப்பு காவலர்கள் சம்பவ இடத்துக்குச் சென்று யானையின் எலும்புக்கூடு கைப்பற்றி விசாரணை மேற்கொண்டு வருகின்றனர்.

    மேலும், கேரளா அருகில் உள்ளதால் மர்ம நபர்கள் யானையைக் கொன்று தந்தத்தைத் திருடி வேட்டையாடி இருக்கலாம் என கோணத்திலும் விசாரணை நடைபெற்று வருகிறது. 

    கடந்த சில தினங்களாக அணையில் நீர்மட்டம் குறைந்ததால் யானையின் எலும்புக்கூடு வெளியே தெரியவந்தது. மேலும் ஆனைமலை புலிகள் காப்பகம் டாப்சிலிப் பகுதியில் கைப்பற்றப்பட்டுள்ள யானையின் எலும்புக்கூடு ஆய்வுக்கு அனுப்பப்பட்டு யானை நீர் இழப்பு குறித்து அறிக்கையை உயர் அதிகாரிகளுக்கு சமர்ப்பிக்கப்படும் என கள இயக்குனர் தகவலாக தெரிவித்துள்ளனர்.

    மேலும் டாப்சிலிப் பகுதியில் பணியாற்றும் வேட்டை தடுப்பு காவலர்கள் மற்றும் வனத்துறையினர் பல வருடங்களாகவே அங்கு பணியில் உள்ளனர். வனத்துறையினர் அப்பகுதிக்கு ரோந்து சென்றதனால்தான் யானை இறந்துள்ளது தெரிய வந்துள்ளது. இல்லையெனில் யானை இறந்த செய்தி வெளியே தெரிய வந்து இருக்க முடியாது. முறையாக ரோந்து பணி சென்றால் வனவிலங்குகளைப் பாதுகாக்கலாம் என சமூக ஆர்வலர்கள் தகவல் தெரிவித்துள்ளனர்.

    கடந்த சில வருடங்களாக கோவை மாவட்டம் வால்பாறை மற்றும் சுற்றுவட்டாரப் பகுதிகளில் காட்டு யானைகளின் இழப்பு அதிகரித்துள்ளது என்பதும் குறிப்பிடத்தக்கது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp