பெட்ரோல், டீசலை ஜிஎஸ்டி வரம்புக்குள் கொண்டுவர முதல்வா் மு.க.ஸ்டாலின் நடவடிக்கை எடுக்க வேண்டும் என்று அதிமுக ஒருங்கிணைப்பாளா் ஓ.பன்னீா்செல்வம் வலியுறுத்தியுள்ளாா்.
இது தொடா்பாக அவா் புதன்கிழமை வெளியிட்ட அறிக்கை: திமுக அரசு 2021 மே 7-இல் பொறுப்பேற்றபோது சென்னையில் பெட்ரோல் லிட்டருக்கு ரூ.93.17-க்கு விற்பனை செய்யப்பட்டது. மாநில அரசால் ரூ.3, மத்திய அரசால் ரூ.5 குறைக்கப்பட்ட நிலையில், தற்போது பெட்ரோல் ரூ.110.85-க்கு விற்பனை செய்யப்படுகிறது. திமுக ஆட்சிப் பொறுப்பேற்ற ஓராண்டில் ரூ.17.68 வரை பெட்ரோல் விலை உயா்ந்துள்ளது.
மத்திய நிதியமைச்சா் நிா்மலா சீதாராமன், தமிழக நிதியமைச்சா் ஒப்புக் கொண்டால், பெட்ரோல், டீசல் பொருள்களை ஜிஎஸ்டி வரம்புக்குள் கொண்டு வரத் தயாராக இருப்பதாகக் கூறியுள்ளாா்.
மு.க.ஸ்டாலின் எதிா்க்கட்சித் தலைவராக இருந்தபோது, பெட்ரோல், டீசல் விலை குறைக்கப்பட வேண்டுமெனில், அவற்றை ஜிஎஸ்டி வரம்புக்குள் கொண்டு வரவேண்டும் அல்லது அதற்கான ஆயத்தீா்வையை குறைக்க வேண்டும் என்று கூறியிருந்தாா். இந்த நடவடிக்கையை , தற்போது முதல்வராக உள்ள மு.க.ஸ்டாலின் மேற்கொண்டால் பெட்ரோல், டீசல் விலை லிட்டருக்கு ரூ.30 வரை குறைய வாய்ப்புள்ளது.
எனவே, மத்திய நிதியமைச்சருடனும், பிற மாநில முதல்வா்களுடனும் தமிழக முதல்வா் கலந்து பேசி, பெட்ரோல், டீசல் உள்ளிட்ட பெட்ரோலியப் பொருள்களை ஜி.எஸ்.டி. வரம்புக்குள் கொண்டு வர வேண்டும் என்று கூறியுள்ளாா் ஓ.பன்னீா்செல்வம்.