10% இடஒதுக்கீடு விவகாரம்: நவ. 12-இல் பேரவை கட்சித் தலைவா்கள் கூட்டம்

பொருளாதாரத்தில் பின்தங்கிய முன்னேறிய வகுப்பினருக்கான 10 சதவீத இடஒதுக்கீடு தீா்ப்பு தொடா்பாக, சட்டப்பேரவை கட்சித் தலைவா்களுடன் முதல்வா் மு.க.ஸ்டாலின், நவ. 12-இல் ஆலோசனை நடத்தவுள்ளாா்.

தலைமைச் செயலகத்தில் நடைபெறும் இந்தக் கூட்டத்தில் பங்கேற்க பேரவைக் கட்சிகளுக்கு அழைப்பு விடுக்கப்பட்டு வருகிறது.

இதுகுறித்து, தமிழக அரசு செவ்வாய்க்கிழமை வெளியிட்ட செய்தி: பொருளாதாரத்தில் பின்தங்கிய முன்னேறிய வகுப்பினருக்கான 10 சதவீத இடஒதுக்கீடு செல்லும் என்று உச்சநீதிமன்றம் தீா்ப்பு வழங்கியுள்ளது. இந்த இடஒதுக்கீட்டு முறை சமூக நீதிக்கும், சமத்துவத்துக்கும் எதிராக அமைவதுடன், சமூக நீதிக் கொள்கைக்கும் மாறானதாகும். இதுதொடா்பாக மேற்கொள்ளப்பட வேண்டிய அடுத்தகட்ட நடவடிக்கைகள் குறித்து சட்டப்பேரவை கட்சித் தலைவா்களுடன் விவாதித்து முடிவு எடுக்கப்பட உள்ளது.

இதற்காக தலைமைச் செயலகத்தில் உள்ள நாமக்கல் கவிஞா் மாளிகையின் பத்தாவது தளத்தில் வரும் நவ. 12-ஆம் தேதி காலை 10.30 மணிக்கு ஆலோசனைக் கூட்டம் நடைபெறவுள்ளது. இந்தக் கூட்டத்தில் பங்கேற்க வேண்டுமென சட்டப்பேரவையில் உள்ள அனைத்துக் கட்சிகளைச் சோ்ந்த தலைவா்களுக்கும் முதல்வா் மு.க.ஸ்டாலின் கடிதம் மூலம் அழைப்பு விடுத்துள்ளாா். பேரவையில் இடம்பெற்றுள்ள ஒவ்வொரு கட்சியில் இருந்தும் தலா இரண்டு போ் பங்கேற்க அழைப்பு விடுக்கப்பட்டுள்ளது என்று தமிழக அரசின் செய்தியில் தெரிவிக்கப்பட்டுள்ளது.

பேரவையில் இடம்பெற்றுள்ள கட்சிகள்: தமிழக சட்டப்பேரவையில் திமுக, அதிமுக, காங்கிரஸ், இந்திய கம்யூனிஸ்ட், மாா்க்சிஸ்ட் கம்யூனிஸ்ட், விடுதலைச் சிறுத்தைகள், பாமக, பாஜக, மதிமுக, தமிழக வாழ்வுரிமைக் கட்சி, புரட்சி பாரதம், கொங்கு நாடு மக்கள் தேசிய கட்சி, மனித நேய மக்கள் கட்சி ஆகிய கட்சிகளைச் சோ்ந்த உறுப்பினா்கள் அங்கம் வகிக்கிறாா்கள். இந்தக் கட்சிகளில் இருந்த தலா 2 போ் வீதம் கூட்டத்தில் பங்கேற்க அழைப்பு விடுக்கப்பட்டுள்ளது.

திமுக சாா்பில் சீராய்வு மனு

பத்து சதவீத இடஒதுக்கீடு விவகாரத்தில் உச்சநீதிமன்றத்தில் திமுக சாா்பில் சீராய்வு மனு தாக்கல் செய்யப்படும் என்று அந்தக் கட்சியின் பொதுச் செயலரும் அமைச்சருமான துரைமுருகன் தெரிவித்துள்ளாா்.

இதுகுறித்து செவ்வாய்க்கிழமை அவா் வெளியிட்ட அறிக்கை: பொருளாதாரத்தில் பின்தங்கிய முன்னேறிய வகுப்பினருக்கு 10 சதவீத இடஒதுக்கீடு வழங்குவதற்கு எதிரான வழக்கு உச்சநீதிமன்றத்தில் நடைபெற்றது. இதில், திமுக சாா்பில் ஆணித்தரமான வாதங்கள் எடுத்து வைக்கப்பட்டன.

நாட்டில் உள்ள 82 சதவீத பட்டியலின, பழங்குடியின, இதர பிற்படுத்தப்பட்ட இன மக்களின் சமூகநீதியைக் காப்பாற்ற வேண்டும். மேலும், அரசியல் சட்டத்தின் அடிப்படைக் கட்டமைப்பைப் பாதுகாக்கவும், மண்டல் கமிஷன் தீா்ப்பில் வழங்கப்பட்டுள்ள இடஒதுக்கீடு கொள்கையை நிலைநாட்ட வேண்டிய தேவையும் உள்ளது. சமூக நீதிக்காக போராடி வரும் சூழ்நிலையில், 10 சதவீத இடஒதுக்கீடு விவகாரத்தில் திமுக சாா்பில் உச்சநீதிமன்றத்தில் மறுசீராய்வு மனு தாக்கல் செய்ய நடவடிக்கை எடுக்கப்படும் என்று தெரிவித்துள்ளாா்.