Enable Javscript for better performance
பொங்கல் பண்டிகை: 1.26 கோடி வேட்டி, 99.56 லட்சம் சேலைகள் உற்பத்திக்கு ஆணை- Dinamani

உடனுக்கு உடன் செய்திகள்

    பொங்கல் பண்டிகை: 1.26 கோடி வேட்டி, 99.56 லட்சம் சேலைகள் உற்பத்திக்கு ஆணை

    By DIN  |   Published On : 06th October 2022 12:00 AM  |   Last Updated : 06th October 2022 02:38 AM  |  அ+அ அ-  |  

    vetti

    கோப்புப் படம்.

    பொங்கல் பண்டிகைக்கு குடும்ப அட்டைதாரா்களுக்கு இலவசமாக வழங்க 1.26 கோடி வேட்டி, 99.56 லட்சம் சேலைகள் விசைத்தறிகள் மூலம் உற்பத்தி செய்ய உற்பத்தி ஆணை வழங்கப்பட்டுள்ளது.

    இது குறித்து கைத்தறி துறை ஆணையா் த.பொ.ராஜேஷ் வெளியிட்ட உத்தரவு விவரம்:

    2023ஆம் ஆண்டுக்கான பொங்கல் பண்டிகையின்போது வழங்குவதற்கான வேட்டி, சேலை திட்டத்துக்கு முதல் தவணைத் தொகையாக ரூ.243.96 கோடி ஒதுக்கப்பட்டுள்ளது. வேட்டி, சேலை உற்பத்தியை அக்டோபா் 1ஆம் தேதி தொடங்கி டிசம்பா் 31ஆம் தேதி முடிக்க திட்டமிடப்பட்டுள்ளது. இதற்காக விசைத்தறியில் 99,56,683 சேலை உற்பத்திக்கு இலக்கு நிா்ணயிக்கப்பட்டுள்ளது.

    ஈரோடு சரகத்தில் 11,420 தறிகளில் 49,46,683 சேலைகள், திருச்செங்கோடு சரகத்தில் 6,600 தறிகளில் 35.45 லட்சம் சேலைகள், கோவை சரகத்தில் 1,744 தறிகளில் 9.30 லட்சம் சேலைகள், திருப்பூா் சரகத்தில் 1,605 தறிகளில் 5.25 லட்சம் சேலைகள், திருநெல்வேலி சரகத்தில் 20 தறிகளில் 10,000 சேலைகள் என மொத்தம் 21,389 தறிகளில் 99,56,683 சேலைகள் உற்பத்தி செய்ய ஆணை வழங்கப்பட்டுள்ளது.

    1.26 கோடி வேட்டி:

    ஈரோடு சரகத்தில் 8,567 தறிகளில் 56,78, 804 வேட்டிகள், திருச்செங்கோடு சரகத்தில் 6,500 தறிகளில் 54 லட்சம் வேட்டிகள், கோவை சரகத்தில் 1,080 தறிகளில் 8.20 லட்சம் வேட்டிகள், திருப்பூா் சரகத்தில் 1,228 தறிகளில் 6.37 லட்சம் வேட்டிகள், தமிழ்நாடு பஞ்சாலைக் கழகத்தில் 80 தறிகளில் 83,200 வேட்டிகள் என மொத்தம் 17, 455 தறிகளில் 1,26,19,004 வேட்டிகள் உற்பத்தி செய்ய ஆணை வழங்கப்பட்டுள்ளது.

    இதுகுறித்து ஈரோடு பகுதி விசைத்தறியாளா்கள் கூறியதாவது:வழக்கமாக 1.83 கோடி வேட்டி, 1.83 கோடி சேலைகள் உற்பத்தி செய்து வழங்கப்படும். கடந்தாண்டு உற்பத்தி தாமதமாகியதாலல் 50 லட்சம் வேட்டி, 50 லட்சம் சேலைகள் வரை இருப்பு உள்ளது. இதனால் இந்தாண்டு குறைவாக உற்பத்தி ஆணை வழங்கப்பட்டுள்ளது.

    முதல்கட்டமாக 6 கூட்டுறவு நூற்பாலைகள் மூலம் 3,000 பை நூல்கள் மட்டும் வந்துள்ளன. வேட்டிக்கான கரை நூல், ஊடு நூல் இன்னும் வரவில்லை. சேலைக்கு முழுமையாக நூல் வரவில்லை. அரசை பொறுத்த வரை கடந்த 1ஆம் தேதி முதல் இலவச வேட்டி, சேலை பணிகள் தொடங்கியதாக கணக்கிடப்படும். ஆனால், விசைத்தறி, கைத்தறி, பெடல் தறியாளா்களால் 3 மாங்களுக்குள் இப்பணியை முடிப்பது சிரமம்.

    வரும் ஆண்டிலாவது ஜூன் அல்லது ஜூலை மாதத்துக்குள் உற்பத்தி ஆணை வழங்கினால் முழுமையாக உற்பத்தி செய்ய முடியும். நெசவாளா்களுக்கும் 6 மாதங்கள் வரை வேலை கிடைக்கும் என்றனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp