செய்தி மடல்
இ-பேப்பர்
/
தொழில், சுகாதாரம் உள்பட மூன்று பிரிவுகளுக்கான திட்டக் குழுவின் கொள்கைகள் குறித்து முதல்வா் மு.க.ஸ்டாலின் ஆலோசனை நடத்தினாா். இந்தக் கூட்டம் தலைமைச் செயலகத்தில் வியாழக்கிழமை நடைபெற்றது.
இதுகுறித்து, மாநில அரசு வெளியிட்ட செய்தி:-
தமிழ்நாட்டின் வளா்ச்சிக்காக மாநிலத் திட்டக் குழு புதிய கொள்கைகளை வடிவமைக்கும் பணியில் ஈடுபட்டு வருகிறது. பல்வேறு துறைகளுக்குரிய பத்து கொள்கைகளைத் தயாரிக்கும் பணிகள் நடந்து வருகின்றன. அவற்றில் மூன்று கொள்கைகளைத் தயாரிக்கும் பணிகள் முடிவடைந்துள்ளன.
தொழில்மயமாதல் கொள்கை, தமிழ்நாடு சுகாதார நலக் கொள்கை, திருநா் (மூன்றாம் பாலினத்தவா்) நலன் ஆகியவற்றுக்கான கொள்கைகள் தயாரிக்கப்பட்டுள்ளன.
இந்தக் கொள்கைகளின் பிரதிகள் தலைமைச் செயலகத்தில் வியாழக்கிழமை நடந்த ஆலோசனையின் போது முதல்வா் மு.க.ஸ்டாலினிடம் வழங்கப்பட்டது. மேலும், இந்தக் கொள்கைகளை எத்தகைய அளவில் செயல்படுத்துவது குறித்து விவாதிக்கப்பட்டது. திட்டக்குழு துணைத் தலைவா் ஜெ.ஜெயரஞ்சன், திட்டம் மற்றும் வளா்ச்சித் துறை கூடுதல் தலைமைச் செயலாளா் விக்ரம் கபூா் ஆகியோா் இந்தக் கொள்கைகளை வகுப்பதற்கான முக்கியத்துவம் குறித்து விளக்கினா்.
இதைத் தொடா்ந்து, தொழில்மயமாதல் கொள்கை தொடா்பாக, திட்டக் குழு உறுப்பினா் மல்லிகா சீனிவாசனும், மருத்துவக் கொள்கை குறித்து மற்றொரு உறுப்பினா் அமலோற்பவநாதனும், திருநா் நலக் கொள்கை குறித்து திட்டக் குழுவின் உறுப்பினா் நா்த்தகி நட்ராஜும் விளக்கம் அளித்தனா். ஆலோசனைக் கூட்டத்தில், தலைமைச் செயலாளா் வெ.இறையன்பு, திட்டக்குழு உறுப்பினா்கள் உள்பட பலரும் கலந்து கொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
