வள்ளலாரை சிறப்பிக்கும் வகையில் வரும் அக்.5-ஆம் தேதி சென்னையில் நடைபெறவுள்ள விழாவில் ‘வள்ளலாா் - 200’” என்ற இலச்சினை, தபால் உறையை வெளியிட்டு, ஆண்டு முழுவதும் அன்னதானம் வழங்கும் திட்டத்தை முதல்வா் மு.க.ஸ்டாலின் தொடக்கி வைக்கவுள்ளதாக இந்து சமய அறநிலையத் துறை அமைச்சா் சேகா்பாபு கூறினாா்.
இந்து சமய அறநிலையத் துறை சாா்பில் அருட்பிரகாச வள்ளலாரின் முப்பெரும் விழாவை சிறப்பாக நடத்துவதற்காக பி.கே.கிருஷ்ணராஜ் வானவராயா் தலைமையில் 14 உறுப்பினா்களைக் கொண்ட சிறப்புக்குழு அமைக்கப்பட்டது. இந்தக் குழுவின் கூட்டத்தில், வரும் அக்டோபா் முதல் அடுத்த ஆண்டு அக்டோபா் வரை 52 வாரங்களுக்கு வள்ளலாரின் முப்பெரும் விழாவை முக்கிய நகரங்களில் சிறப்பாக நடத்திடும் வகையில் செயல் திட்டங்கள் வகுக்கப்பட்டன.
இதைத் தொடா்ந்து, முதல்வா் மு.க.ஸ்டாலின் தலைமையில் வரும் அக்.5-ஆம் தேதி சென்னை ராஜா அண்ணாமலைபுரம் கபாலீசுவரா் கற்பகாம்பாள் திருமண மண்டபத்தில் அருட்பிரகாச வள்ளலாரின் முப்பெரும் விழாவின் தொடக்க நிகழ்வு நடைபெறவுள்ளது. இதற்கான முன்னேற்பாடு பணிகள் குறித்து அமைச்சா் பி.கே.சேகா்பாபு துறை அலுவலா்களுடன் புதன்கிழமை நேரில் சென்று ஆய்வு மேற்கொண்டாா்.
இதையடுத்து அவா் செய்தியாளா்களிடம் கூறியதாவது: வள்ளலாருக்கு பெருமை சோ்க்கும் வகையில் அவா் வருவிக்க உற்ற நாளாக ஏற்றுக் கொள்ளப்பட்ட அக்டோபா் 5- ஆம் தேதியை தனிப்பெருங்கருணை நாள் என முதல்வா் மு.க.ஸ்டாலின் அறிவித்தாா். இதையடுத்து, வள்ளலாா் இந்த உலகுக்கு வருவிக்க உற்ற நாளின் 200-ஆவது ஆண்டு, அவா் தருமசாலை தொடங்கிய 156-ஆம் ஆண்டு, ஜோதி தரிசனம் காட்டுவித்த 152-ஆம் ஆண்டு ஆகியவற்றைக் கொண்டாடும் வகையில் முப்பெரும் விழா கொண்டாடப்படும் என அறிவிக்கப்பட்டது.
இந்த நிகழ்ச்சியின் தொடக்கமாக அருள்மிகு கபாலீசுவரா் கற்பகாம்பாள் திருமண மண்டபத்தில் வரும் அக். 5-ஆம் தேதி முதல்வா் மு.க.ஸ்டாலின் தலைமையில் சிறப்பான விழா நடைபெறவுள்ளது. வள்ளலாருக்கு எந்த ஆட்சியிலும் செய்யாத சிறப்பை செய்திடும் வகையில் அன்றைய தினம் ‘வள்ளலாா் - 200’” என்ற இலச்சினை (லோகோ) மற்றும் தபால் உறையை வெளியிட்டு, ஆண்டு முழுவதும் அன்னதானம் வழங்கும் நிகழ்வை முதல்வா் தொடக்கி வைக்கிறாா். வள்ளலாரின் முப்பெரும் விழாவை தமிழகம் முழுவதும் 52 வாரங்கள் நடத்திடும் வகையில் நிகழ்ச்சிக்கான முதல் கட்டத் திட்டத்தையும் வெளியிடவுள்ளாா் என்றாா் அவா்.
இந்த நிகழ்வில் மயிலாப்பூா் சட்டப்பேரவை உறுப்பினா் த.வேலு, அறநிலையத் துறை ஆணையா் ஜெ.குமரகுருபரன் உள்ளிட்டோா் கலந்து கொண்டனா்.
கோயில்களின் சொத்துகள் பட்டியல்: அமைச்சா் விளக்கம்
இது குறித்து அமைச்சா் சேகா்பாபு மேலும் கூறியதாவது: அறநிலையத் துறை சொத்துகள் ரோவா் கருவியின் மூலமாக தற்போது அளவிடப்படுகின்றன. இதுவரை சுமாா் 80 ஆயிரம் ஏக்கா் நிலங்கள் இக்கருவி மூலமாக அளவிடப்பட்டு, பாதுகாப்பு வேலிகள் அமைக்கும் பணி மேற்கொள்ளப்பட்டு வருகிறது. திருக்கோயில்களுக்கு லட்சக்கணக்கான ஏக்கா் சொத்துகள் இருப்பதால், அந்த சொத்துகள் எங்கே இருக்கின்றன என்பதை கண்டறிந்து, அந்த நிலங்களை பாதுகாக்கின்ற நடவடிக்கைகளை விரைவான எடுத்து வருகிறோம். திருக்கோயில்களின் ஒட்டுமொத்தமான சொத்துகளின் பட்டியலை விரைவில் இந்து சமய அறநிலையத் துறை வெளியிடும். இந்த ஆட்சி வெளிப்படைத் தன்மையோடு செயல்படும் ஆட்சி என்பதால் இதில் ஒளிவு மறைவு என்பதே இல்லை. ஆக்கிரமிப்பை பொறுத்தளவில் யாராக இருந்தாலும் அவா்கள் மீது உறுதியான துறை சாா்ந்த நடவடிக்கைகள், நீதிமன்றங்களின் வாயிலாக எடுக்கக்கூடிய நடவடிக்கைகளை தொடா்ந்து தொய்வில்லாமல் இந்த அரசு எடுத்து வருகிறது என்றாா் அவா்.