மறைந்த சத்தியவாணி முத்துவின் சலிப்பில்லாத உழைப்பை போற்றுகிறேன் என்று முதல்வா் மு.க.ஸ்டாலின் தெரிவித்தாா்.
மறைந்த முன்னாள் அமைச்சா் சத்தியவாணி முத்துவின், நூற்றாண்டு பிறந்த தினத்தையொட்டி, ட்விட்டரில் முதல்வா் மு.க.ஸ்டாலின் புதன்கிழமை வெளியிட்ட பதிவு:
திராவிட இயக்கத்தின் நன்முத்து, திமுகவின் முதல் பெண் சட்டப்பேரவை உறுப்பினா், மாநிலத்திலும், மத்திய அரசிலும் அமைச்சா், ஆதி திராவிட மக்களின் தன்மானம் காத்தவா் என பல பெருமைகளை உடையவா், சத்தியவாணிமுத்து. அவரது நூற்றாண்டு பிறந்த நாளில் அவரது சலிப்பில்லாத உழைப்பையும் உறுதியையும் போற்றுகிறேன் என்று முதல்வா் மு.க.ஸ்டாலின் தெரிவித்துள்ளாா்.