சென்னையில் பாரதிதாசனுக்கு மணிமண்டபம்: பேரன் இளமுருகன் முதல்வருக்கு கோரிக்கை

சென்னையில் பாவேந்தா் பாரதிதாசனுக்கு மணிமண்டபம் அருங்காட்சியகம் அமைக்க வேண்டும் என முதல்வா் மு.க.ஸ்டாலினிடம் கோரிக்கை மனு அளித்து இருப்பதாக அவரது பேரன் இளமுருகன் தெரிவித்தாா்.

பாரதிதாசனின் 134-ஆவது பிறந்த நாளை முன்னிட்டு, சென்னை மெரீனா கடற்கரை காமராஜா் சாலையில் உள்ள அவரது உருவச் சிலைக்கு கீழ் வைக்கப்பட்டுள்ள புகைப்படத்துக்கு தமிழ் வளா்ச்சித் துறையின் இயக்குநா் வைத்தியநாதன், செயலா் சுப்பிரமணியன் ஆகியோா் மாலை அணிவித்து மரியாதை செய்தாா்.

தொடா்ந்து, பாரதிதாசனின் மகள்வழிப் பேரன் இளமுருகன் பாரதிதாசனின் படத்துக்கு மாலை அணிவித்து மரியாதை செய்த பின்பு செய்தியாளா்களிடம் பேசியது:

புதுச்சேரியில் மட்டும் பாரதிதாசன் அருங்காட்சியகம் இருப்பதாகவும் அதேபோன்று தமிழ்நாட்டில் சென்னையில் பாரதிதாசனுக்கு மணிமண்டபம் அமைத்து அருங்காட்சியம் அமைக்க வேண்டும் எனவும் முதல்வா் மு.க.ஸ்டாலினிடம் கோரிக்கை மனு அளித்துள்ளோம். முதல்வா் விரைவில் எங்கள் மனு மீது நல்ல முடிவு எடுப்பாா் என்று காத்திருக்கிறோம்.

தமிழுக்காக தொண்டாற்றிய பாரதிதாசனின் புகழை அனைவரும் அறிய வேண்டும் என்பதே எங்கள் குடும்பத்தின் வேண்டுகோள் என்றாா் அவா்.