சிரி... சிரி...

'எதிரிநாட்டு மன்னன் ஒரு பயந்தாங்கொள்ளின்னு எப்படி சொல்றீங்க அமைச்சரே..?'
'தூது புறாவிடம் ஓலையுடன் பக்கெட் பிரியாணி கொடுத்து அனுப்பியுள்ளான் மன்னா...'

-பி.மோகன்ராஜு,
சென்னை-78.

'ஏம்பா..  பிச்சை எடுக்கறீயே.. அளவுக்கு மேலே சாப்பாடு கிடைச்சா என்ன செய்வே..'
'வேறென்ன தாயி. பொட்டலம் போட்டு பிளாட்பாரத்துல வெச்சி, காசாக்கிடுவேன் மகராசி...'



'மச்சான்... வெள்ளையாக இருப்பதை  எல்லாம் டாக்டர் சாப்பிடக் கூடாதுன்னு சொல்லிட்டார்...'
'சரிடா.. அது சரி.. மாத்திரை வெள்ளையா இருக்கேன்னு கேட்க வேண்டியதுதானே..'

-அ.சுஹைல் ரஹ்மான்,
திருச்சி.

'ராப்பிச்சை.. கொஞ்சம் பொறு.. இதோ வந்துடறேன்...'
'எது போட்டாலும் ஓவனில் கொஞ்சம் சூடு பண்ணி கொண்டா தாயீ...'



'ஹலோ உணவுப் பாதுகாப்பு அதிகாரியா.. இங்கே போன வாரம் வைச்ச கோழிக் குழம்பை ஃப்ரிட்ஜில் இருந்து எடுத்து ஊத்துறாங்க..?'
'எந்த ஹோட்டலில்...'
'ஹோட்டல் இல்லைங்க.. இது வீடு..'

-ப.சோமசுந்தரம்,
சென்னை.

'நம் மன்னருக்கு என்ன பலகாரம் ரொம்ப பிடிக்கும்...'
'குழி பணியாரம்தான்...'



'சார்.. உப்பு வாங்க நான் அரை கிலோ மீட்டர் நடந்து போய்ட்டு வந்தேன்...'
'எல்லோரும் சுகருக்குதானே நடப்பாங்க.. நீங்க ஏன் உப்புக்கு நடக்கறீங்க..?'



'பொண்ணுக்கு சமையல் தெரியுமா?'
'என்ன அப்படி கேட்டுட்டிங்க.. போனிலே பண்ணிடுவா..?'

-வி.சாரதி டேச்சு,  
சென்னை.

'பொண்ணு ரொம்ப ஒல்லியே இருக்கேன்னுதான் யோசிக்கிறேன்.. தரகரே..'
'உங்க கை சமையலில் ஆறே மாசத்துல நல்லா உப்பிடும் தம்பி....'


 

'சாம்பார் வாளியை சர்வர் இங்கே வச்சிட்டு போயிட்டாரே..'
'ஒரு வேளை டிப்ஸ் அதிகமாக எதிர்பார்க்கிறாரோ என்னவோ...'


 

'என்னது முடி வளர குதிரைக் கொம்பு லேகியமா... அது எங்கே கிடைக்கும்பா குடுகுடுப்பை...'
'என்னைத் தவிர யாரிடமும் கிடைக்காது சாமி. பணம் கொடுத்து ஏமாற வேண்டாம்...'


 

'வெண்டைக்காய் சாப்பிட்டா மூளை நல்லா வளருமுன்னு டாக்டர் சொல்லியிருக்காருடா...?'
'நீ சாப்பிட்டது வெண்டைக்காய் இல்லைடா.. வெள்ளரி பிஞ்சு...'

-வி.ரேவதி,
தஞ்சை.