"பொருநை போற்றுதும்' தொடர் மூலம் டாக்டர் சுதா சேஷய்யன் சுதந்திரப் போராட்ட அனுவங்களைத் தொகுத்து எழுதி வருவது மிகவும் பெருமைக்குரியது..!
-ரேவதி சம்பத்குமார், ஈரோடு.
"தேவியின் திருத்தலங்கள்' தொடரில் ஜி.ஏ.பிரபா எழுதும் அம்மன் கோயில்களின் தல வரலாறு படித்து பாதுகாக்க வேண்டிய பகுதியாகும்.
-லேகா விஷ்ணு, சிறுகளத்தூர்.
"ஆடிக் கூழை நாடிக் குடி!' கட்டுரை மூலம் கேழ்வரகு கூழின் முக்கியத்துவத்தை ரஞ்சனா பால சுப்ரமணியன் அருமையாக எடுத்துக்காட்டியுள்ளார்.
-ரெ. சுப்பாராஜு, கோவில்பட்டி.
ஆனந்த ஆடிப் பெருக்கின் சிறப்பை எஸ். வெங்கட்ராமன் எடுத்துக் கூறியுள்ள விதம் போற்றத்தக்கது..!
-கே.கிருஷ்ணசாமி, ஆவடி.
திருவரங்கம் திருத்தலத்தில் ஸ்ரீ நம்பெருமாள் தனது அஷ்ட துணைவியருள் ஒருவராக கருதப்படும் காவிரித்தாயை ஆடிப்பெருக்கு அன்று மணம் புரிவதாக உள்ள ஐதீகம் பலர் அறியாதது.
-செந்தி. மாரீஸ்வரி, தேனி.
சிவனாகவும் விஷ்ணுவாகவும் வழிபடப்படும் "புவனேஸ்வரம் லிங்கராஜா' திருக்கோயில் பற்றிய விளக்கம் அருமை. பொன்மொழிகள் பகுதி அனைத்தும் வாழ்வில் பின்பற்றி உயர்வடைய மிக்க பயனுள்ளதாக இருக்கிறது.
-அண்ணா அன்பழகன், அந்தணப்பேட்டை.