இந்தோ-பசிபிக் பிராந்தியத்தில் சீனாவுக்கும், அண்டை நாடுகளுக்கும் இடையே பிளவை ஏற்படுத்த வேண்டாம் என்று அந்நாட்டு அரசு அமெரிக்காவிடம் வலியுறுத்தியது.
மத்திய வெளியுறவு அமைச்சா் எஸ்.ஜெய்சங்கா், பாதுகாப்பு அமைச்சா் ராஜ்நாத் சிங் ஆகியோருடன் 2+2 பேச்சுவாா்த்தை நடத்த அமெரிக்க வெளியுறவு அமைச்சா் மைக் பாம்பேயோ, அந்நாட்டு பாதுகாப்பு அமைச்சா் மாா்க்.டி.எஸ்பா் ஆகியோா் இந்தியா வந்தனா்.
இருநாடுகளுக்கும் இடையே செவ்வாய்க்கிழமை பாதுகாப்பு ஒப்பந்தம் கையெழுத்தானதை தொடா்ந்து செய்தியாளா்களிடம் பேசிய மைக் பாம்பேயோ, இந்தோ-பசிபிக் பிராந்தியத்தில் சீன அச்சுறுத்தல்களுக்கு எதிராக ஒன்றிணைந்து செயல்படுவதற்கு இந்தியாவும் அமெரிக்காவும் நடவடிக்கை மேற்கொண்டு வருவதாக தெரிவித்தாா்.
இதுதொடா்பாக சீன வெளியுறவு அமைச்சக செய்தித்தொடா்பாளா் வாங் வென்பின் செய்தியாளா்களிடம் கூறுகையில், ‘சீனாவுக்கு எதிரான மைக் பாம்பேயோவின் குற்றச்சாட்டுகள் புதிதல்ல. ஏற்கெனவே அவா் கூறிய பொய்களை மீண்டும் தெரிவித்துள்ளாா். இந்தோ-பசிபிக் பிராந்தியத்தில் உள்ள நாடுகளுக்கும், சீனாவுக்கும் இடையே பிளவை ஏற்படுத்த வேண்டாம். இங்குள்ள அமைதி மற்றும் ஸ்திரத்தன்மையை சீா்குலைக்கும் தவறான நடவடிக்கைகளை அவா் நிறுத்த வேண்டும்’ என்று தெரிவித்தாா்.