உலகம் முழுவதும் கரோனா நோய்த் தொற்றுக்கு உயிரிழந்தோரின் எண்ணிக்கை 9,19,718 ஆக உயர்ந்துள்ளது. தொற்று பாதித்தோரின் எண்ணிக்கை 2,86,59,798 கோடியை எட்டியுள்ளது.
உலக நாடுகளில் கரோனா நோய்த் தொற்று பரவல் தொடா்ந்து அதிகரித்து வருகிறது. இந்த நிலையில் சனிக்கிழமை காலை நிலவரப்படி, உலக அளவில் மொத்த கரோனா பாதிப்பு 2,86,59,798 கோடியாக உள்ளது. பலியானோர் எண்ணிக்கை 9,19,718 ஆக உள்ளது. கரோனா பாதித்து 2,05,86,407 பேர் தொற்றில் இருந்து மீண்டுள்ளனர்.
உலகளவில் கரோனா பாதிப்பில் அமெரிக்கா தொடர்ந்து முதலிடத்தில் உள்ளது. அங்கு 66,36,247 பேரும், இந்தியாவில் 46,59,984 பேரும், பிரேசிலில் 42,83,978 பேரும், ரஷியாவில் 10,51,874 பேரும் கரோனா தொற்றால் பாதிக்கப்பட்டுள்ளனர். தொற்று பாதிப்பை பொறுத்தவரை பிரேசிலை பின்னுக்கு தள்ளி இந்தியா இரண்டாவது இடத்துக்கு வந்துள்ளது.
தற்போது 71,53,673 பேர் சிகிச்சை பெற்று வருகின்றனர், அவர்களில் 60,895 பேரின் நிலைமை கவலைக்கிடமாக உள்ளது என்பது குறிப்பிடத்தக்கது.