பிரபல ஹாலிவுட் நடிகர் அல் பாசினோ அவரை விட 39 வயது குறைவான இஸ்ரேலிய நடிகை மீட்டல் டோஹனைக் காதலித்து வந்தார்.
இந்த மாதத் தொடக்கத்தில் ஆஸ்கார் விருதுகளில் சிவப்பு கம்பள வரவேற்பில் மீட்டல் டோஹான் நடந்து சென்றபோது, அல் பசினோவைப் பிரிந்துவிட்டதாக தகவல் பரவியது.
அதனைத் தொடர்ந்து, அண்மையில் 79 வயதான அல் பாசினோவை, 40 வயதான மீட்டல் பிரிந்துவிட்டதாக இஸ்ரேலின் லாஷா பத்திரிகை தெரிவித்துள்ளது.
"அல் பாசினோ போன்ற வயதானவருடன் வாழ்வது மிகவும் கடினம். எங்களுக்குள் வயது இடைவெளி அதிகம்தான், ஆம். நான் அதை மறுக்க முயன்றேன், ஆனால் ஒரு வயதான மனிதர், அதற்கேற்றபடி நடந்து கொள்ள வேண்டும். பெருந்தன்மையுடனும் நேர்மையாகவும் இருக்க வேண்டும். அவர் மீது மிகவும் அன்புடன் இருந்தேன். ஆனாலும் இவ்வுறவு நீடிக்கவில்லை" என்று மீட்டல் டோஹான் கூறியுள்ளார்.
இரண்டு வருட உறவின் போது அவர் என்னென்ன பரிசுகளை வழங்கினார் என்று கேட்கப்பட்ட போது அதற்கு டோஹன், "அவர் எனக்கு பூக்களை மட்டுமே வாங்கித் தருவார். அவர் ஒருபோதும் பணத்தை செலவழிக்க விரும்பவில்லை என்று நான் எப்படி பணிவுடன் சொல்ல முடியும்?" என்று கிண்டலாக பதிலளித்தார் டோஹன்.
மேலும் அவர் கூறுகையில், "இனி நாங்கள் ஒன்றாக இல்லாவிட்டாலும், அவருடன் தொடர்ந்து நட்பில் இருக்க முடியும் என்று நம்புகிறேன்’’ என்றேன்.
"நான் அவருடன் சண்டையிட்டேன், சமீபத்தில் அவரை விட்டுப் பிரிந்து அவருடனான உறவிலிருந்து வெளியேறினேன். ஆனால் நிச்சயமாக அவரை மிகவும் நேசிக்கிறேன். தேவைப்படும்போது நாங்கள் ஒருவருக்கொருவர் பக்கபலமாக இருப்போம். இது எனக்குக் கிடைத்த மரியாதை "இந்த உறவு எங்களுக்கிடையில் நடந்ததில் நான் மகிழ்ச்சியடைகிறேன், நாங்கள் நல்ல நண்பர்களாக இருப்போம் என்று நம்புகிறேன்," என்று அவர் கூறினார்.