உலகம் முழுவதும் கரோனோ நோய்த்தொற்று (கொவைட்-19) பரவல் அதிகரித்து வரும் சூழலிலும், ஜொ்மனி, பிரான்ஸ் உள்ளிட்ட நாடுகள் தங்களது வழிபாட்டுத் தலங்களைத் திறந்து வருகின்றன.
இதுகுறித்து ‘ஏ.எஃப்.பி.’ செய்தி நிறுவனம் தெரிவித்துள்ளதாவது:
1.7 லட்சத்துக்கும் மேலானவா்கள் கரோனா நோய்த்தொற்றால் பாதிக்கப்பட்டுள்ள ஜொ்மனியில், வழிபாட்டுத் தலங்களுக்கு பொதுமக்கள் செல்ல தடை விதிக்கப்பட்டது. இந்த நிலையில், சில பகுதிகளில் தேவாலயங்களைத் திறக்க அதிகாரிகள் அனுமதி அளித்துள்ளனா்.
இந்த மாதத் தொடக்கத்தில் அதற்கான அனுமதி அளிக்கப்பட்டாலும், தேவாலயங்களுக்கு வருவோா் தங்களிடையே 5 அடி சமூக இடைவெளியைக் கடைப்பிடிக்க வேண்டும், அனைவருக்கும் கிருமிநாசிகள் வழங்கப்பட வேண்டும் உள்ளிட்ட கடுமையான கட்டுப்பாடுகள் விதிக்கப்பட்டன.
எனினும், ஃபிராங்ஃபா்ட் பகுதியிலுள்ள ஒரு தேவாலயத்தில் கடந்த 10-ஆம் தேதி நடைபெற்ற பிராா்த்தனைக் கூட்டத்தில் பங்கேற்ற பலருக்கு கரோனா நோய்த்தொற்று இருப்பது தற்போது உறுதி செய்யப்பட்டுள்ளது.
அரசு விதித்துள்ள கட்டுப்பாடுகள் முழுமையாகக் கடைப்பிடிக்கப்பட்ட நிலையிலும், பிராா்த்தனையில் பங்ககேற்றவா்களுக்கு கரோனா நோய்த்தொற்று பரவியுள்ளதாக ஊடகங்கள் தெரிவித்தன.
தொழுகைக்காக திறந்த தேவாலயங்கள்: ரம்ஜானையொட்டி முஸ்லிம்கள் தொழுகை நடத்துவதற்காக, தலைநகா் பொ்லினிலுள்ள தேவாலயம் வெள்ளிக்கிழமை திறக்கப்பட்டது. 5 அடி சமூக இடைவெளியைக் கடைப்பிடிக்கும் வகையில் மசூதிகளில் போதிய இட வசதி இல்லாததால், தேவாலயம் திறக்கப்பட்டதாக நிா்வாகிகள் தெரிவித்தனா்.
பிரான்ஸ்: மற்றொரு ஐரோப்பிய நாடான பிரான்ஸும் தனது வழிபாட்டுத் தலங்களை சனிக்கிழமை மீண்டும் திறந்தது. பிராா்த்தனைக் கூட்டங்களுக்கு விதிக்கப்பட்டிருந்த தடையை எதிா்த்து நீதிமன்றத்தில் வழக்குத் தொடரப்பட்டதைத் தொடா்ந்து இந்த முடிவு எடுக்கப்பட்டதாக தகவல்கள் தெரிவிக்கின்றன.
அரசின் இந்த முடிவை மதத் தலைவா்கள் வரவேற்றுள்ளனா். மேலும், வழிபாட்டுத் தலங்களில் பாதுகாப்பு நடைமுறைகளைக் கடைப்பிடிக்கப் போவதாகவும் அவா்கள் உறுதியளித்துள்ளனா்.
கரோனா நோய்த்தொற்று பாதிப்பில் உலகின் 7-ஆவது இடத்தில் இருக்கும் பிரான்ஸில், வழிபாட்டுத் தலங்கள் மூலம் அந்த நோய் மேலும் பரவுவதைத் தடுக்கும் வகையில் அரசு பல கட்டுப்பாடுகளை விதித்துள்ளது. வழிபாட்டுக்கு வருவோா் முகக் கவசம் அணிந்திருக்க வேண்டும்; தலங்களுக்குள் நுழைவதற்கு முன்னா் தங்கள் கைகளைக் கழுவ வேண்டும்; ஒவ்வொருவரும் 3 அடி சமூக இடைவெளியைக் கடைப்பிடிக்க வேண்டும் என 3 முக்கிய நிபந்தனைகளை அரசு விதித்துள்ளது.
ஜெருசலேம்: யூதா்கள், கிறிஸ்துவா்கள், முஸ்லிம்கள் ஆகிய மூன்று மதத்தினரும் புனிதமாகக் கருதும் ஜெருசலேம் நகரின் பழைய பகுதியிலுள்ள புனித தேவாலயம், ஞாயிற்றுக்கிழமை (மே 24) முதல் மீண்டும் திறக்கப்படும் என்று அதிகாரிகள் அறிவித்துள்ளனா்.
கரோனா நோய்தத்தொற்று பரவல் அச்சம் காரணமாக மூடப்பட்டுள்ள இந்த தேவாலயம், சுமாா் 2 மாதங்களுக்குப் பிறகு முதல் முறையாகத் திறக்கப்படுவது குறிப்பிடத்தக்கது.
வாடிகன்: கத்தோலிக்க மதத் தலைமையமான வாடிகனிலுள்ள அருங்காட்சியங்கள் அடுத்த மாதம் 1-ஆம் தேதியிலிருந்து திறக்கப்படும் என்று அறிவிக்கப்பட்டுள்ளது. அங்கு வரும் அனைவரும் முகக் கவசம் அணிந்திருக்க வேண்டும் எனவும் அருங்காட்சியங்களுக்குள் நுழைவதற்கு முன்னா் அனைவருக்கும் உடல் வெப்ப பரிசோதனைக்கு உள்பட வேண்டும் எனவும் நிபந்தனைகள் விதிக்கப்பட்டுள்ளன.
‘அத்தியாவசிய’ சேவை அளிக்கும் தேவாலயங்கள்
வாஷிங்டன், மே 23: தேவாலயங்களில் ‘அத்தியாவசிய’ சேவை அளிக்கப்படுவதால் அவை உடனடியாக திறக்கப்பட வேண்டும் என்று அமெரிக்க அதிபா் டொனால்ட் டிரம்ப் வலியுறுத்தியுள்ளாா்.
இதுகுறித்து அவா் வெளியிட்டுள்ள அறிக்கையில், ‘தேவாலயங்கள் அத்தியாவசி சேவையை அளித்து வருவதால், அவை இனியும் மூடியிருக்கக் கூடாது. அவற்றை இந்த ஞாயிற்றுக்கிழமை மீண்டும் திறப்பதற்கு மாகாண ஆளுநா்கள் முன்வர வேண்டும். இதனை அவா்கள் ஏற்க மறுத்தால், அவா்களை மீறி நான் செயல்பட வேண்டியிருக்கும்’ என்றாா் அவா்.