பிரேசில் நாட்டில் நேற்று ஒரேநாளில் கரோனாவுக்கு 1,039 பேர் பலியாகியுள்ளது பெரும் அதிர்ச்சியை ஏற்படுத்தியுள்ளது.
உலக நாடுகளை அச்சுறுத்தி வரும் கரோனா வைரஸ் தொற்றால் அதிகம் பாதிக்கப்பட்ட நாடாக அமெரிக்காவைத் தொடர்ந்து பிரேசில் இரண்டாம் இடத்தில் உள்ளது.
கடந்த சில தினங்களாக பிரேசிலில் கரோனாவால் பாதிக்கப்பட்டோர் எண்ணிக்கை பெருமளவில் அதிகரித்து வருகிறது. இந்நிலையில் நேற்று ஒரேநாளில் உயிரிழப்பு ஆயிரத்தைத் தாண்டியுள்ளது. 1,039 பேர் பலியானதை அடுத்து மொத்த உயிரிழப்பு 24,512 ஆக உயர்ந்துள்ளது.
மொத்த பாதிப்பு எண்ணிக்கை 3,91,222 ஐ எட்டியுள்ளது. அந்நாட்டில் சுமார் 1.58 லட்சம் பேர் கரோனாவில் இருந்து மீண்டுள்ளனர்.
அமெரிக்காவை விட பிரேசில் ஒருநாள் பலி எண்ணிக்கை தோராயமாக இரு மடங்காக பதிவாகியுள்ளது குறிப்பிடத்தக்கது. அமெரிக்காவில் கடந்த 24 மணி நேரத்தில் 657 இறப்புகள் பதிவாகியுள்ளது.