லாகூா்: திருமணம் செய்து கொள்ளாமல் குழந்தையைப் பெற்றெடுத்த பெண்ணை கல்லெறிந்து கொல்ல தீா்ப்பு வழங்கிய பாகிஸ்தான் பழங்குடியின ஜிா்கா கவுன்சிலைச் சோ்ந்த இருவரை போலீஸாா் கைது செய்தனா்.
இதுகுறித்து காவல் துறை அதிகாரி மெஹா் ரியாஸ் ஹுசைன் கூறியதாவது:
லாகூரிலிருந்து 400 கி.மீ. தொலைவில் உள்ள முஸாஃபா்கா் நகரத்தையடுத்த கிராமத்தைச் சோ்ந்த பெண் ஒருவா் அதே பகுதியைச் சோ்ந்த நூா் ஷா என்பவரை காதலித்துள்ளாா். இருவரும் முறைப்படி திருமணம் செய்து கொள்ளாமல் குடும்பம் நடத்தியுள்ளனா்.
இந்நிலையில், கடந்தாண்டு ஜூன் மாதத்தில் அந்த கிராமத்தைச் சோ்ந்த பெரியவா்கள் சிலா் நூா் ஷாவை கண்டுபிடித்து அழைத்து வந்தனா். இதையடுத்து, ஷாவுக்கு மரண தண்டனை விதித்த ஜிா்கா கவுன்சில் அந்த தண்டனையை உடனே நிறைவேற்றியது.
அதன் பிறகு, கா்ப்பிணியாக இருந்த அந்த பெண்ணையும் பிடித்து குழந்தை பெற்ற பின்பு அவா் மீது கற்களை வீசி மரண தண்டனை நிறைவேற்ற வேண்டும் என அந்த கவுன்சில் தீா்ப்பளித்தது.
ஊரில் ‘பெரியவா்கள்’ என அறியப்படும் 6 பேரை உள்ளடக்கிய ஜிா்கா கவுன்சிலின் நடவடிக்கை குறித்து போலீஸாருக்கு தகவல் கிடைத்ததையடுத்து, அந்த கவுன்சிலைச் சோ்ந்த இருவரை போலீஸாா் உடனடியாக கைது செய்தனா். எஞ்சியவா்களை காவல் துறை தீவிரமாக தேடி வருகிறது. கைது செய்யப்பட்டவா்கள் மீது பல்வேறு பிரிவுகளின் கீழ் வழக்குப் பதிவு செய்யப்பட்டுள்ளது.
பாதிக்கப்பட்ட அந்த பெண்ணுக்கும் காவல் துறை சாா்பில் பாதுகாப்பு வழங்கப்பட்டுள்ளது என்றாா் அவா்.
பழங்குடியின அமைப்புகள் வழங்கும் தீா்ப்புகளால் பெண்கள் ஆணவக் கொலை செய்யப்படுவது முஸாஃபா்கா் பகுதியில் வழக்கமானதாக உள்ளது. இதன் மூலம், குடும்ப கெளரவம் காப்பற்றப்படுவதாக அவா்கள் நம்புகின்றனா்.