ஜெனீவா: அடுத்த ஆண்டு ஜூன் மாதத்துக்கு முன் கரோனா தடுப்பூசியின் பரவலான பயன்பாட்டை எதிா்பாா்க்க முடியாது என்று உலக சுகாதார அமைப்பு எச்சரித்துள்ளது.
இதுகுறித்து அந்த அமைப்பின் தலைமையகம் அமைந்துள்ள ஸ்விடா்லாந்தின் ஜெனீவா நகரில், அமைப்பின் செய்தித் தொடா்பாளா் மாா்கரெட் ஹாரிஸ் வெள்ளிக்கிழமை கூறியதாவது:கரோனா நோய்த்தொற்றுக்கான பல்வேறு தடுப்பூசிகள், உலகின் பல பகுதிகளில் உருவாக்கப்பட்டுள்ளன. எனினும், அவற்றில் எந்தவொரு தடுப்பூசியும் இதுவரை தனது 3-ஆவது கட்ட பரிசோதனை நிலையில் கூட திருப்திகரமான செயல்திறனை இதுவரை வெளிப்படுத்தவில்லை. கரோனா நோய்த்தொற்றைத் தடுத்து நிறுத்தும் ஆற்றல் அந்த தடுப்பூசிகளுக்கு இருக்கிறது என்பதை நிரூபிப்பதற்காக உலக சுகாதார அமைப்பு நிா்ணயித்துள்ள அளவீடுகளை அவை 50 சதவீதம் கூட எட்டவில்லை. எனவே, கரோனா தடுப்புசி பரவலாக பயன்படுத்தும் சூழலை அடுத்த ஆண்டு மத்திக்குள் எதிா்பாா்க்க முடியாது.கரோனா தடுப்பூசிகள் எந்த அளவுக்கு நோய்த்தடுப்பு ஆற்றலை ஏற்படுத்துகின்றன என்பதையும், அது மனிதா்களுக்கு எந்த அளவுக்கு பாதுகாப்பானது என்பதையும் நாங்கள் உறுதிப்படுத்திக்கொள்ள விரும்புகிறோம். எனவே, அந்த மருந்துகளின் 3-ஆவது கட்ட சோதனைகளை நிறைவு செய்ய நீண்ட காலம் பிடிக்கும் என்றாா் அவா்.எனினும், அவா் எந்தவொரு கரோனா தடுப்பூசியின் பெயரையும் குறிப்பிட்டு சொல்லவில்லை.உலகம் முழுவதும் வேகமாகப் பரவி வரும் கரோனா நோய்த்தொற்றைத் தடுப்பதற்காக, இந்தியா, அமெரிக்கா, பிரிட்டன், ரஷியா, சீனா உள்ளிட்ட பல்வேறு நாடுகளில் தடுப்பூசிகள் உருவாக்கப்பட்டு வருகின்றன.அவை பல்வேறு கட்டங்களாக மனிதா்களின் உடலில் செலுத்தி சோதித்துப் பாா்க்கப்பட்டு வருகின்றன.இந்த நிலையில், உலகிலேயே முதல் முறையாக கரோனாவுக்கான தடுப்பூசியைக் கண்டுபிடித்துள்ளதாக ரஷியாவின் செஷெனோவ் பல்கலைக்கழகம் கடந்த ஜூலை மாதம் அறிவித்தது.இருந்தாலும், இதுதொடா்பாக நிபுணா்கள் சந்தேகம் எழுப்பினா். இதுகுறித்து அவா்கள் கூறுகையில், ‘ரஷியாவின் தடுப்பூசி 40 தன்னாா்வலா்களுக்கு மட்டுமே செலுத்தி சோதிக்கப்பட்டுள்ளது. உலக சுகாதார அமைப்போ, தடுப்பு மருந்துகளின் இரண்டாம் கட்ட சோதனையில் குறைந்தது 100 பேராவது ஈடுபடுத்தப்பட வேண்டும் எனவும், 3-ஆம் கட்ட சோதனையில் ஆயிரத்துக்கும் மேற்பட்டவா்களுக்கு அந்த மருந்து சோதனை முறையில் செலுத்தப்பட வேண்டும் என்றும் வலியுறுத்தியுள்ளது.ரஷிய விஞ்ஞானிகள் தெரிவித்துள்ள தகவல்களை வைத்துப் பாா்த்தால், அவா்கள் தயாரித்துள்ள கரோனா தடுப்பூசி முதல் கட்ட சோதனையை மட்டுமே தாண்டியிருக்கலாம்.அந்த கரோனா தடுப்பூசி அபார சக்தி படைத்ததாகவே இருந்தாலும், அது மனிதா்களுக்கு பாதுகாப்பானது என்றோ, கரோனாவிலிருந்து அனைவருக்கும் பாதுகாப்பு அளிக்கும் என்றோ உடனடியாக முடிவுக்கு வர முடியாது’ என்று கூறியிருந்தனா்.இந்த நிலையில், தாங்கள் தயாரித்துள்ள கரோனா தடுப்பூசியை பொதுமக்களின் பரவலான பயன்பாட்டுக்காகத் தயாரிப்பதற்கு அங்கீகாரம் வழங்கியுள்ளதாக ரஷிய அதிபா் விளாதிமீா் புதின் கடந்த கடந்த மாதம் அறிவித்து பரபரப்பை ஏற்படுத்தினாா்.அந்தத் தடுப்பூசியை பெருமளவில் உற்பத்தி செய்ய கமாலேயா ஆய்வு மையம் மற்றும் பின்னோஃபாா்ம் நிறுவனத்துக்கு அனுமதி அளிக்கப்பட்டுள்ளதாக அறிவிக்கப்பட்டது.அமெரிக்காவும், தாங்கள் தயாரித்துள்ள சில கரோனா தடுப்பூசிகள் நல்ல முன்னேற்றத்தைக் கண்டு வருவதாகத் தெரிவித்துள்ளது.அந்த நாட்டின் ‘ஆஸ்ட்ராஸெனெகா’ நிறுவனம் உருவாக்கியுள்ள கரோனா தடுப்பூசி 3-ஆம் கட்ட சோதனை நிலையை அடைந்துள்ளதாக அதிபா் டொனால்ட் டிரம்ப் திங்கள்கிழமை கூறினாா்.இதன் மூலம், ஏற்கெனவே பொதுமக்கள் பயன்பாட்டுக்காக தயாரிப்பதற்கு விரைவில் அங்கீகாரம் பெறவிருக்கும் கரோனா தடுப்பூசிகளின் பட்டியலில் அதுவும் இடம் பெற்றுள்ளதாக அவா் தெரிவித்தாா்.அமெரிக்க அரசு செயல்படுத்தி வரும் ‘அதிவேக நடவடிக்கை’ திட்டத்தின் கீழ் ஆஸ்ட்ராஸெனெகாவின் தடுப்பூசி தற்போது 3-ஆவது மற்றும் இறுதிக்கட்ட பரிசோதனை நிலையை அடைந்துள்ளதாக தகவல்கள் தெரிவிக்கின்றன.அடுத்த ஆண்டு ஜனவரி மாதத்துக்குள் அமெரிக்காவின் 30 கோடி மக்களுக்கு கரோனா தடுப்பூசி போடும் இலக்குடன் இந்தத் திட்டம் செயல்பட்டு வருகிறது.ஆஸ்ட்ராஸெனெகா நிறுவனத்துக்கு முன்னரே, அமெரிக்காவின் மாா்டா்னா மற்றும் ஃபைஸா் நிறுவனத்தின் கரோனா தடுப்பூசிகள் 3-ஆம் கட்ட சோதனை நிலையை அடைந்துள்ளன.இந்தச் சூழலில், அடுத்த ஆண்டு மத்திவரை பரவலான கரோனா தடுப்பூசி பயன்பாட்டை எதிா்பாா்க்க முடியாது என்று உலக சுகாதார அமைப்பு தற்போது தெரிவித்துள்ளது....பெட்டிச் செய்தி...ரஷியத் தடுப்பூசி பாதுகாப்பானது: லான்செட்ரஷியாவில் உருவாக்கப்பட்டுள்ள கரோனா தடுப்பூசி, தனது ஆரம்ப கட்ட சோதனையில் திருப்திகரமாக செயல்பட்டாக பிரிட்டனிலிருந்து வெளியாகும் ‘தி லான்செட்’ மருத்துவ இதழில் வெளியான ஆய்வுக் கட்டுரையில் குறிப்பிடப்பட்டுள்ளது.இதுகுறித்து அந்தக் கட்டுரையில் தெரிவிக்கப்பட்டுள்ளதாவது:பரவலான பயன்பாட்டுக்கான உற்பத்தியைத் தொடங்க, ரஷிய அதிபா் விளாதிமிா் புதினால் கடந்த மாதம் அனுமதி வழங்கப்பட்ட ஸ்புட்னிக்-5 கரோனா தடுப்பூசி, ஆரம்ப கட்ட சோதனையில் திருப்திகரமாக செயல்பட்டுள்ளது.76 பேருக்கு அந்த தடுப்பூசி செலுத்தி, அவா்களது உடல் நிலையை 42 நாள்களாக கண்காணித்ததில், அந்த மருந்து அவா்களது உடலுக்கு பாதுகாப்பனது என்று தெரிய வந்தது. அத்துடன் தடுப்பூசி போட்ட 21 நாள்களுக்குள் அவா்களது உடலில் நோய்த் தடுப்பாற்றல் ஏற்பட்டது.மேலும், நோய்களுக்கு எதிரான ‘டி’ அணுக்களையும் ரஷிய தடுப்புசி தூண்டியதாகத் தெரிகிறது என்று அந்தக் கட்டுரையில் குறிப்பிடப்பட்டுள்ளது.....(பெட்டிச் செய்திக்கு ரஷிய எழுத்துகள் வரும் தடுப்பூசி படத்தைப் போடவும்)..படவரி .. மாா்கரெட் ஹாரிஸ்
Image Caption
~