ரஷியாவில் தினசரி கரோனா பலி எண்ணிக்கை மீண்டும் புதிய உச்சத்தைத் தொட்டுள்ளது. கடந்த 24 மணி நேரத்தில் மட்டும் 973 போ் கரோனாவுக்கு பலியானதாகவும் இது, நாட்டில் இதுவரை இல்லாத அதிகபட்ச தினசரி கரோனா பலி எண்ணிக்கை எனவும் அதிகாரிகள் கூறினா்.
ரஷியாவில் கரோனா தடுப்பூசி திட்டம் தேவையைவிட மந்தமாக செயல்படுத்தப்படுவதால், இந்த மாதம் தினசரி பலி எண்ணிக்கை தொடா்ந்து புதிய உச்சங்களைத் தொட்டு வருவதாகக் கூறப்படுகிறது. தினசரி பாதிப்பு எண்ணிக்கையும் அதிகமாக உள்ளது. அங்கு இதுவரை 78,32,964 பேருக்கு கரோனா உறுதி செய்யப்பட்டுள்ளது.