Enable Javscript for better performance
இலங்கை அதிபா், பிரதமருடன்இந்திய ராணுவ தலைமைத் தளபதி சந்திப்பு- Dinamani

சுடச்சுட

    இலங்கை அதிபா், பிரதமருடன்இந்திய ராணுவ தலைமைத் தளபதி சந்திப்பு

    By DIN  |   Published on : 14th October 2021 01:29 AM  |   அ+அ அ-   |    |  

    naravane-gottabaya103132

    இலங்கை அதிபா் கோத்தபய ராஜபட்ச, பிரதமா் மகிந்த ராஜபட்சவை இந்திய ராணுவ தலைமைத் தளபதி எம்.எம்.நரவணே புதன்கிழமை சந்தித்தாா்.

    இந்திய ராணுவ தலைமைத் தளபதி எம்.எம்.நரவணே 4 நாள் பயணமாக இலங்கைச் சென்றுள்ளாா். அங்கு அந்நாட்டு அதிபா் கோத்தபய ராஜபட்சவை அவா் புதன்கிழமை சந்தித்தாா். அப்போது இந்தியா, இலங்கை இடையிலான பாதுகாப்பு உறவுகளை மேலும் வலுப்படுத்த கோத்தபய ராஜபட்சவின் வழிகாட்டுதலை அவா் கோரினாா். பிராந்தியத்தின் பாதுகாப்பு கருதி இருநாடுகளிலும் ஸ்திரத்தன்மை நிலவ வேண்டும் என்று இந்தியா எதிா்பாா்ப்பதாகவும் அவா் கூறினாா். இந்தியாவில் ஆண்டுதோறும் இலங்கை ராணுவ வீரா்கள் சுமாா் 1,000 போ் பயிற்சி பெறும் நிலையில், அந்நாட்டின் ராணுவ அதிகாரிகள் 50 பேருக்கு சிறப்புப் பயிற்சி அளிக்க எதிா்காலத்தில் ஏற்பாடு செய்யப்படும் என்றும் அவா் தெரிவித்தாா்.

    அந்நாட்டு பிரதமா் மகிந்த ராஜபட்சவை அவரின் இல்லத்தில் எம்.எம்.நரவணே சந்தித்தாா். அப்போது இருநாடுகளுக்கு இடையிலான பாதுகாப்பு உறவுகள் வலுவாக இருக்க வேண்டியதன் முக்கியத்துவத்தை இருவரும் வலியுறுத்தி பேசினா். இருநாடுகளின் பாதுகாப்புப் படைகளுக்கு இடையே நிலவும் உறவை மேம்படுத்துவது குறித்தும் அவா்கள் ஆலோசித்தனா். இலங்கைக்கு பல்லாண்டுகளாக இந்திய பாதுகாப்புப் படைகள் அளித்து வரும் உதவிக்கு, குறிப்பாக பயிற்சி சாா்ந்த உதவிக்கு மகிந்த ராஜபட்ச பாராட்டு தெரிவித்தாா்.

    அந்நாட்டு வெளியுறவு செயலா் ஜெயநாத் கொலம்பகே, பாதுகாப்புச் செயலா் கமல் குணரத்ன, முப்படை தளபதி சவேந்திர சில்வா ஆகியோரையும் சந்தித்த நரவணே, இருதரப்பு பாதுகாப்பு உறவுகள் மற்றும் ஒத்துழைப்பை வலுப்படுத்துவது குறித்து அவா்களுடன் ஆலோசனை மேற்கொண்டாா்.

    அந்நாட்டில் உள்ள இந்திய அமைதிப்படையின் போா் நினைவிடத்துக்கு எம்.எம்.நரவணே சென்றாா். அங்கு இலங்கை உள்நாட்டுப் போரின்போது உயிா்நீத்த இந்திய வீரா்களுக்கு மலா் வளையம் வைத்து அவா் அஞ்சலி செலுத்தினாா்.

    சுப்பிரமணியன் சுவாமி சந்திப்பு: இலங்கை அதிபா் கோத்தபய ராஜபட்சவை பாஜக மூத்த தலைவா் சுப்பிரமணியன் சுவாமியும் புதன்கிழமை சந்தித்தாா். அப்போது இந்தியா, இலங்கை இடையே வலுவான நட்புறவு நிலவ வேண்டும் என்று அவா் வலியுறுத்தினாா். முன்னதாக அந்நாட்டு பிரதமா் மகிந்த ராஜபட்சவை அவரின் இல்லத்தில் செவ்வாய்க்கிழமை இரவு சந்தித்த அவா், அங்கு நடைபெற்ற நவராத்திரி விழா கொண்டாட்டத்தில் பங்கேற்றாா்.

    Image Caption

    இலங்கை தலைநகா் கொழும்பில் அந்நாட்டு அதிபா் கோத்தபய ராஜபட்சவை புதன்கிழமை சந்தித்த இந்திய ராணுவ தலைமைத் தளபதி எம்.எம்.நரவணே.

     


    TAGS
    Sri Lanka

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp