Enable Javscript for better performance
Women in Afghanistan seek 'Right to return' to govt jobs- Dinamani

சுடச்சுட

    பெண்கள் பணிக்குத் திரும்புவதில் சிக்கல்: தடுக்கும் தலிபான்கள்

    By DIN  |   Published on : 13th September 2021 04:28 PM  |   அ+அ அ-   |    |  

    Women in Afghanistan seek 'Right to return' to govt jobs

    ஆப்கன் பெண்கள் (கோப்புப்படம்)


    ஆப்கானிஸ்தானில் வேலைக்குச் செல்ல விருப்பமிருந்து, பணிக்குச் செல்லும் பெண்களை தலிபான்கள் தடுத்து நிறுத்துகின்றனர். 

    இந்தியாவில் முதுநிலை சட்டப் படிப்பு முடித்து ஆப்கன் நாடாளுமன்றத்தில் 10 ஆண்டுகளாகப் பணிபுரியும் ஷுகுபா நஜிபி கூறுகையில், "நான் அலுவலகம் சென்றபோது அவர்கள் என்னைத் தடுத்து நிறுத்தினர். எதற்காக என கேள்வி எழுப்பினேன். பெண்கள் வேலை பார்க்கலாம் என உங்கள் அதிகாரிகள் தெரிவித்துள்ளார்களே? என்றும் கேட்டேன். நான் அங்கிருந்து புறப்பட்டவுடன், இனிமேல் இங்கு வரக் கூடாது என சக பணியாளர்கள் மூலம் என்னிடம் கூறினர்" என்றார்.

    பெண்கள் வேலைக்குச் செல்வதைத் தலிபான்கள் தடுப்பதால், முன்னாள் காவல் அதிகாரி ஹன்சிஃபா ஹம்தார் தனது எதிர்காலம் குறித்து கவலையில் இருக்கிறார். அவர் கூறுகையில், "நான் கணவன் இல்லாதவள். எனக்கு 4 குழந்தைகள் உள்ளனர். நான் வேலைக்குச் செல்லவில்லையெனில் உணவுக்கு என்ன செய்வேன்?" என்றார்.

    இதையும் படிக்கசெப்.11: அதிபா் மாளிகையில் கொடியேற்றிய தலிபான்கள்

    ஆப்கானிஸ்தான் மறுகட்டமைப்புக்கான சிறப்பு ஆய்வாளரின் தரவுகளின்படி 5,000-க்கும் மேற்பட்ட பெண்கள் ராணுவத் துறையில் பணிபுரிந்து வருகின்றனர். 

    பெண்கள் கல்வி மற்றும் சுகாதாரத் துறையில் பணியாற்ற மட்டுமே தலிபான்கள் அனுமதித்துள்ளனர். ஆனால், அரசு மருத்துவமனையில் மருத்துவராகப் பணியாற்றி வரும்லிமா முகமதி கூறுகையில் "பெண்களின் தேவை இருக்கிறது. மருத்துவமனையிலும் சரி, மற்ற இடங்களிலும் சரி. ஆண்கள் வேலை செய்வதைப் போல பெண்களும் வேலை செய்ய வேண்டும்" என்றார். கடந்த 3 மாதங்களாக ஊதியம் பெறாமலே அவர் பணிக்குத் திரும்பியுள்ளார் என்பது குறிப்பிடத்தக்கது. 

    புதிய அரசு தீவிரத் தன்மையுடன் இருக்காது என தலிபான்கள் வாக்குறுதியளித்துள்ளனர். ஆனால், பெண்களின் உரிமை பின்னோக்கி செல்லாது என உறுதியளிக்க தலிபான்கள் மறுக்கின்றனர். சிலர் ஏற்கெனவே வன்முறையை எதிர்கொண்டுவிட்டனர்.

    இதனால், அரசுப் பணிக்குத் திரும்பும் உரிமையை வழங்கக் கோரி ஆப்கானிஸ்தான் பெண்கள் கோரிக்கை வைக்கத் தொடங்கியுள்ளதாக அந்த நாட்டு செய்தி நிறுவனம் தெரிவித்துள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp