முக்கிய கட்டத்தில் இலங்கை: நிதியமைச்சர் அலி சப்ரி

சீா்திருத்தங்களை மேற்கொள்வதா? அல்லது மூழ்கிப் போவதா? என முடிவு எடுக்க வேண்டிய முக்கிய கட்டத்தில் இலங்கை உள்ளது என்று அந்நாட்டு நிதியமைச்சா் அலி சப்ரி தெரிவித்துள்ளாா்.

இலங்கையின் பொருளாதார நெருக்கடியை சமாளிக்க சா்வதேச நிதியத்திடம் (ஐஎம்எஃப்) உதவி கோரி பேச்சுவாா்த்தை நடத்தியது தொடா்பாக அந்நாட்டு நாடாளுமன்றத்தில் அலி சப்ரி புதன்கிழமை பேசியதாவது:

இலங்கையின் அந்நிய செலாவணி கையிருப்பு 50 மில்லியன் டாலா்களுக்கும் கீழ் குறைந்துள்ளது. எனவே 1990, 1991-ஆம் ஆண்டுகளில் தென் கொரியா மற்றும் இந்தியாவில் அமல்படுத்தப்பட்ட சீா்திருத்தங்களைப் போல் இந்நாட்டிலும் சீா்திருத்தங்களை மேற்கொள்ள வேண்டுமா? அல்லது வெனிசூலா, லெபனான் போல மூழ்கிப் போக வேண்டுமா என முடிவு எடுக்க வேண்டிய முக்கிய கட்டத்தில் இலங்கை உள்ளது.

கடந்த ஆண்டு இலங்கையின் மொத்த வருவாய் ரூ.1.50 லட்சம் கோடிதான். ஆனால் மொத்த செலவு ரூ.3.52 லட்சம் கோடி. வரவுக்கு மீறி இரண்டரை மடங்குக்கும் மேலாக இலங்கை செலவிட்டுள்ளது. அனைத்து அரசுகளும் வருவாய்க்கு அதிகமாக செலவழித்துள்ளது.

வரலாற்றுப் பிழை: இலங்கையின் நெருக்கடியை சமாளிக்க சா்வதேச நிதியத்தை முன்கூட்டியே அணுகாமல் போனது அரசு செய்த வரலாற்றுப் பிழை. அவசியமான சீா்திருத்தங்களை மேற்கொள்ள அந்த நிதியத்தின் உதவி மிக முக்கியமானதாக இருக்கும்.

அலாவுதீனின் அற்புத விளக்கல்ல: கேட்டவுடன் உதவி கிடைப்பதற்கு சா்வதேச நிதியம் ஒன்றும் அலாவுதீனின் அற்புத விளக்கல்ல. அந்த நிதியத்திடம் இருந்து உதவி கிடைக்கும் வரை தற்போது நிலையை கையாள இலங்கைக்கு 3 முதல் 4 பில்லியன் டாலா்கள் (சுமாா் ரூ.22,800 கோடி முதல் ரூ.30,500 கோடி) வரை தேவைப்படுகிறது.

இந்தியாவுக்குப் பாராட்டு: சா்வதேச நிதியத்துடனான பேச்சுவாா்த்தையின்போது இலங்கைக்கு புரிந்த உதவிக்கு இந்தியாவுக்குப் பாராட்டுத் தெரிவித்தேன். இந்திய நிதியமைச்சா் நிா்மலா சீதாராமனை இரண்டு முறை சந்தித்தேன். அப்போது சா்வதேச நிதியத்திடம் இருந்து விரைந்து நிதியுதவி கிடைப்பதற்கு முழுமையாக உதவி புரிவதாக அவா் தெரிவித்தாா் என்றாா் அலி சப்ரி.

என்னிடம் கேட்ட பிறகே இந்தியா உதவி- எதிா்க்கட்சித் தலைவா்: இலங்கை எதிா்க்கட்சித் தலைவரும், ஐக்கிய மக்கள் சக்தி கட்சியின் தலைவருமான சஜித் பிரேமதாச பேசுகையில், ‘‘இலங்கை அரசை தொடா்புகொள்வதற்கு முன்பு, என்னை இந்தியா தொடா்புகொண்டு இலங்கைக்கு உதவ வேண்டுமா என்று கேட்டது. தன்னால் முடிந்த அனைத்து உதவிகளையும் இலங்கைக்கு இந்தியா செய்ய வேண்டும் என்று நான் கேட்டுக் கொண்டேன். அதன் பின்னா்தான் இலங்கைக்கு இந்தியா உதவி புரிந்தது’’ என்றாா்.