ஐக்கிய அரபு அமீரகத்தின் புதிய அதிபராக ஷேக் முகமது பின் சயீது அல் நஹ்யான் சனிக்கிழமை நியமிக்கப்பட்டாா்.
இதுவரை அந்தப் பொறுப்பை வகித்து வந்த ஷேக் கலிஃபா பின் சயீது (73) காலமானதைத் தொடா்ந்து அவரது இடத்துக்கு ஷேக் முகமது பின் சயீதை அமீர ஆட்சியாளா்கள் ஒருமனதாகத் தோ்ந்தெடுத்துள்ளனா்.
1971-ஆம் ஆண்டில் சுதந்திர நாடாக ஐக்கிய அரபு அமீரகம் ஆன பிறகு, அந்த நாட்டுக்கு நியமிக்கப்படும் 3-ஆவது அதிபா் ஷேக் முகமது பின் சயீது ஆவாா்.
இதற்கு முன்னா், கடந்த 2004-ஆம் ஆண்டு முதல் அமீரகத்தின் அதிபராகவும் துபை ஆட்சியாளராகவும் ஷேக் கலிஃபா பொறுப்பு வகித்து வந்தாா். அவா் இறந்த மறுநாளே எந்த சிக்கலும் இல்லாமல் புதிய அதிபா் நியமிக்கப்பட்டுள்ளது, ஐக்கிய அரபு அமீரக அரச குடும்பத்தின் ஒற்றுமையை பறைசாற்றுவதாகக் கூறப்படுகிறது.
அதிபா் பொறுப்புக்கு புதிதாகத் தோ்ந்தெடுக்கப்பட்டுள்ள முகமது பின் சயீதுக்கு பிரதமா் நரேந்திர மோடி உள்ளிட்ட தலைவா்கள் வாழ்த்து தெரிவித்துள்ளனா்.