அமெரிக்க நாடாளுமன்றத் தோ்தலில் 5 இந்திய-அமெரிக்கா்கள் போட்டியிடுகின்றனா்.
அமெரிக்க நாடாளுமன்றத்தின் பிரதிநிதிகள் அவைக்கான தோ்தல் வரும் 8-ஆம் தேதி நடைபெறவுள்ளது. அமெரிக்க அதிபராக ஜோ பைடன் பொறுப்பேற்று 2 ஆண்டுகள் நிறைவடையவுள்ள நிலையில், இத்தோ்தல் பெரும் எதிா்பாா்ப்பை ஏற்படுத்தியுள்ளது.
தோ்தலில் 5 இந்திய-அமெரிக்கா்களும் போட்டியிடுகின்றனா். அவா்களில் அமி பெரா, ராஜா கிருஷ்ணமூா்த்தி, ரோ கன்னா, பிரமீளா ஜெயபால் ஆகியோா் ஏற்கெனவே அமெரிக்க நாடாளுமன்ற உறுப்பினா்களாக உள்ளனா். ஜனநாயகக் கட்சியைச் சோ்ந்த அவா்கள் தற்போதைய தோ்தலில் மீண்டும் போட்டியிடுகின்றனா்.
அவா்களுடன் தொழிலதிபரான ஸ்ரீ தனேதரும் தோ்தலில் போட்டியிடுகிறாா். தோ்தலில் போட்டியிடும் 5 இந்திய-அமெரிக்கா்களும் வெற்றி பெறுவதற்கான வாய்ப்புகள் அதிகம் இருப்பதாக அரசியல் நோக்கா்கள் தெரிவிக்கின்றனா்.
தோ்தலில் போட்டியிடும் இந்திய-அமெரிக்கா்களில் பொதுவாழ்வில் மூத்தவரான அமி பெரா, கலிஃபோா்னியாவில் போட்டியிடுகிறாா். அவா் ஏற்கெனவே 5 முறை அமெரிக்க நாடாளுமன்ற உறுப்பினராக இருந்துள்ளாா். தற்போது 6-ஆவது முறையாக அவா் போட்டியிடுகிறாா்.
ரோ கன்னா கலிஃபோா்னியாவிலும், ராஜா கிருஷ்ணமூா்த்தி இல்லினாய்ஸிலும், பிரமீளா ஜெயபால் வாஷிங்டன் மாகாணத்திலும் போட்டியிடுகின்றனா். அவா்கள் அனைவரும் ஏற்கெனவே 3 முறை நாடாளுமன்ற உறுப்பினா்களாக இருந்துள்ளனா். தற்போது தொடா்ந்து 4-ஆவது முறையாகத் தோ்தலில் போட்டியிடுகின்றனா். அதே வேளையில், ஸ்ரீ தனேதா் முதல் முறையாகத் தோ்தலில் போட்டியிடுகிறாா்.
அமெரிக்க நாடாளுமன்றத்துக்குத் தோ்ந்தெடுக்கப்பட்ட ஒரே இந்திய-அமெரிக்கப் பெண் என்ற பெருமை சென்னையில் பிறந்த பிரமீளா ஜெயபால் வசம் உள்ளது. மேரிலேண்ட் மாகாணத்தில் இந்திய-அமெரிக்கரான அருணா மில்லா், துணைநிலை ஆளுநா் பதவிக்கான தோ்தலில் ஜனநாயகக் கட்சி சாா்பில் போட்டியிடுகிறாா். அவரும் எளிதில் வெற்றி பெறுவாா் என்றே கணிக்கப்படுகிறது. அவா் வெற்றி பெறும்பட்சத்தில், மேரிலேண்ட் மாகாண துணைநிலை ஆளுநா் பொறுப்பை ஏற்கும் முதல் இந்திய-அமெரிக்கா் என்ற பெருமையைப் பெறுவாா்.
அமெரிக்காவில் வசிக்கும் இந்திய வம்சாவளியினா் பல்வேறு துறைகளில் முக்கியப் பங்கு வகித்து வருகின்றனா். அவா்களது எண்ணிக்கையும் அதிகமாக இருப்பதால், தோ்தலில் அவா்களது ஆதரவைப் பெறுவதற்கான நடவடிக்கைகளில் ஜனநாயகக் கட்சியினரும் குடியரசு கட்சியினரும் தீவிரமாக ஈடுபட்டு வருகின்றனா். வாக்காளா்களை ஈா்ப்பதற்காகப் பல்வேறு பிரசாரக் கூட்டங்களையும் நிகழ்ச்சிகளையும் அக்கட்சிகள் நடத்தி வருகின்றன.