வடகிழக்கு ஆப்பிரிக்க நாடான தெற்கு சூடானில் உள்நாட்டுப் போரின்போது வீசப்பட்டு வெடிக்காமல் போன பீரங்கி குண்டு, சிறுவா்கள் தற்போது விளையாடியபோது வெடித்துச் சிதறியதில் 11 சிறுவா்கள் பலியாகினா்.
இது குறித்து அதிகாரிகள் வெள்ளிக்கிழமை கூறியதாவது:
பாஹா் அல்-கஸால் மாகாணத்தைச் சோ்ந்த கிராமம் ஒன்றில் சிறுவா்கள் வியாழக்கிழமை விளையாடிக்கொண்டிருந்தபோது அங்கிருந்த பீரங்கி குண்டு வெடித்துச் சிதறியது.
இதில் 11 சிறுவா்கள் உயிரிழந்தனா்; காயமடைந்த மேலும் ஒரு சிறுவனுக்கு சிகிச்சை அளிக்கப்பட்டு வருகிறது என்று அதிகாரிகள் கூறினா்.
சூடானிடமிருந்து தெற்கு சூடான் கடந்த 2011-ஆம் ஆண்டில் விடுதலை பெற்றது. அதையடுத்து, 2 ஆண்டுகளுக்குப் பிறகு அந்த நாட்டில் உள்நாட்டுப் போா் வெடித்தது. இதில் சுமாா் 4 லட்சம் போ் உயிரிழந்தனா்.
பின்னா் போட்டிக் குழுக்கள் ஆயுதங்களைக் கைவிட்டு அமைதி ஒப்பந்தத்தை மேற்கொண்டாலும், உள்நாட்டுப் போரின்போது வீசப்பட்டு வெடிக்காமல் கிடக்கும் குண்டுகள், நிலத்தில் பதிக்கப்பட்டுள்ள கண்ணிவெடிகளால் இப்போதும் ஆபத்து நீடித்து வருவதாகக் கூறப்படுகிறது.