விண்வெளியில் அணு ஆயுதங்களுக்குத் தடை: 
ஐ.நா.வில் ரஷியா புதிய தீா்மானம் தாக்கல்

விண்வெளியில் அணு ஆயுதங்களுக்குத் தடை: ஐ.நா.வில் ரஷியா புதிய தீா்மானம் தாக்கல்

விண்வெளியில் அணு ஆயுதங்களை நிறுத்துவதற்குத் தடை விதிக்கும் ஒப்பந்தத்தை ஏற்படுத்துவதற்காக புதிய வரைவுத் தீா்மானத்தை ஐ.நா. பாதுகாப்பு கவுன்சிலில் ரஷியா தாக்குதல் செய்துள்ளது.

விண்வெளியில் அணு ஆயுதங்களை நிறுத்துவதற்குத் தடை விதிக்கும் ஒப்பந்தத்தை ஏற்படுத்துவதற்காக புதிய வரைவுத் தீா்மானத்தை ஐ.நா. பாதுகாப்பு கவுன்சிலில் ரஷியா தாக்குதல் செய்துள்ளது.

முன்னதாக, இதே விவகாரத்தில் அமெரிக்கா கொண்டுவந்த தீா்மானத்தை, தனது ‘வீட்டோ’ அதிகாரத்தைப் பயன்படுத்தி ரஷியா ரத்து செய்த நிலையில், கூடுதல் அம்சங்களை உள்ளடக்கிய தனது வரைவுத் தீா்மானத்தை ரஷியா முன்வைத்துள்ளது.

அந்த வரைவுத் தீா்மானத்தில், அமெரிக்காவும், ஜப்பானும் கடந்த வாரம் கூட்டாகக் கொண்டுவந்த அந்தத் தீா்மான அம்சங்களுடன், ‘விண்வெளியில் அணு ஆயுதங்களை நிறுவுவதைத் தடுப்பது மட்டுமின்றி, எந்தவகை ஆயுதங்களையும் ஏவுவதற்கு விண்வெளி எப்போதுமே பயன்படுத்தப்படாது என்பதை உறுதி செய்யவேண்டும்’ எனவும் வலியுறுத்தப்பட்டுள்ளது.

முன்னதாக, அமெரிக்க-ஜப்பான் கூட்டு வரைவுத் தீா்மானத்தை தனது வீட்டோ அதிகாரத்தைப் பயன்படுத்தி ரத்துசெய்து ஐ.நா.வுக்கான ரஷிய தூதா் வாஸிலி நெபன்ஸியா கடந்த வாரம் பேசுகையில், ‘விண்வெளியில் பேரழிவு ஆயுதங்களை நிறுத்துவதைத் தடுப்பதற்கான ஒப்பந்தம் கடந்த 1967-ஆம் ஆண்டிலேயே மேற்கொள்ளப்பட்டுள்ளது. இந்த நிலையில், புதிய தீா்மானம் அபத்தம் நிறைந்ததாக உள்ளது. அனைத்து வகை ஆயுதங்களையும் விண்வெளியில் நிறுத்துவதைத் தடை செய்வதற்கான அம்சம் அந்தத் தீா்மானத்தில் இடம்பெறவில்லை’ என்று குற்றஞ்சாட்டினாா்.

ரஷியாவின் இந்த நடவடிக்கைக்குக் கண்டனம் தெரிவித்த அமெரிக்கா, தீா்மானத்தை ரத்து செய்ததன் மூலம் ஆயுதப் பரவலைத் தடுக்கும் முயற்சிக்கு அந்த நாடு முட்டுக்கட்டை போடுவதாக பதிலுக்குக் குற்றஞ்சாட்டியது.

இந்த நிலையில், கூடுதல் அம்சங்களை இணைத்து அதே மாதிரியான வரைவுத் தீா்மானத்தை ரஷியா தற்போது தாக்கல் செய்துள்ளது.

X
Dinamani
www.dinamani.com