பல்லடம் அருகே உள்ள கொடுவாயில் சாலை விரிவாக்கப் பணி சம்பந்தமாக கடைக்காரர்களுக்கு நெடுஞ்சாலை துறையினர் நோட்டீஸ் அளித்துள்ளனர்.
கொடுவாயில் ஒட்டன்சத்திரம் - தாராபுரம் - திருப்பூர் சாலை விரிவாக்கப் பணி நடைபெற்று வருகிறது. பல்லடம் அருகே உள்ள தெற்கு அவிநாசிபாளையம் ஊராட்சி, கொடுவாய் பகுதியில் 50-க்கும் மேற்பட்ட கடைக்காரர்களுக்கு நெடுஞ்சாலைத் துறை சார்பில் நிலம் கையகப்படுத்துதல், அரசு நிலங்களில் ஆக்கிரமிப்பு அகற்றுதல், பாதிப்புக்குள்ளான ஆக்கிரமிப்புகளுக்கு இழப்பீடு வழங்குதல் குறித்து பட்டியல் வெளியிடப்பட்டுள்ளது. அது சம்பந்தமான ஆலோசனைக் கூட்டம் அக்டோபர் 10-ஆம் தேதி தாராபுரத்தில் உள்ள நெடுஞ்சாலைத் துறை பயணியர் விடுதியில் காலை 10.30 மணிக்கு நடைபெறுகிறது. அதில் சம்பந்தப்பட்டவர்கள் தவறாமல் பங்கேற்க வேண்டும் என்று நெடுஞ்சாலைத் துறை தனி மாவட்ட வருவாய் அலுவலர் கி.சாந்தி அறிவுறுத்தினார். தொடர்ந்து கடைக்காரர்களுக்கு நோட்டீஸ் வழங்கியுள்ளார்.