தேனியில் காவலர் உடல் தகுதி  தேர்வுக்கு இலவச பயிற்சி

தேனியில் காவலர் போட்டித் தேர்வு எழுதியவர்களுக்கு உடல் தகுதி தேர்வுக்கான இலவச பயிற்சி மார்ச் 16 ஆம் தேதி முதல் மாவட்ட விளையாட்டு மைதானத்தில் நடைபெறுகிறது.
   இது குறித்து மாவட்ட காவல் துறை நிர்வாகம் வெளியிட்டுள்ள அறிவிப்பு: மாவட்டத்தில் கடந்த மார்ச் 11-ஆம் தேதி 2-ஆம் நிலை காவலர், தீயணைப்போர் மற்றும் 2-ஆம் நிலை சிறைக் காவலருக்கான போட்டித் தேர்வு நடைபெற்றது. போட்டித் தேர்வை அடுத்து நடைபெற உள்ள உடல் தகுதித் தேர்வுக்கு மாவட்ட காவல் துறை நிர்வாகம் சார்பில் தேனி மாவட்ட விளையாட்டு மைதானத்தில் மார்ச் 16-ஆம் தேதி முதல், காலை 6 மணி முதல் 9 மணி வரை இலவச பயிற்சி அளிக்கப்பட உள்ளது.
     உடல் தகுதி தேர்வுக்கான இலவச பயிற்சியில் சேர விரும்புவோர் தங்களது பெயர், முகவரி, தேர்வு எண், செல்லிடபேசி எண் ஆகியவற்றை காவல் துறை பயிற்சி அலுவலர் செல்லிடபேசி எண்: 83000 44330-இல் கட்செவி அஞ்சல் மூலம் பதிவு செய்து கொள்ளலாம் என்று அறிவிக்கப்பட்டுள்ளது.