நியூட்ரினோ ஆய்வுத் திட்டம் குறித்து பொதுமக்கள் மத்தியில் விழிப்புணர்வு ஏற்படுத்தக் கோரி, இந்து மக்கள் கட்சி சார்பில் மாவட்ட ஆட்சியர் ம. பல்லவி பல்தேவிடம் வியாழக்கிழமை மனு அளிக்கப்பட்டது.
தேனி மாவட்ட ஆட்சியர் அலுவலகத்தில், இந்து மக்கள் கட்சி நிறுவனத் தலைவர் அர்ஜூன் சம்பத், தேனி மாவட்டத் தலைவர் பி. ஜெயக்குமார் ஆகியோர் ஆட்சியரிடம் அளித்த மனு விவரம்: பொட்டிப்புரத்தில் தொடங்கப்பட உள்ள நியூட்ரினோ ஆய்வகம் குறித்து பல்வேறு அமைப்புகள் பொதுமக்களுக்கு தவறான தகவல்களை தெரிவித்து பிரசாரம் செய்து வருகின்றன. வளர்ச்சிக்கு வழி வகுக்கும் நியூட்ரினோ ஆய்வுத் திட்டம் குறித்து, அரசு சார்பில் பொதுமக்களுக்கு விழிப்புணர்வு ஏற்படுத்த வேண்டும். இத் திட்டத்தை விரைவில் செயல்படுத்த மத்திய-மாநில அரசுகள் நடவடிக்கை எடுக்கவேண்டும் என தெரிவித்துள்ளனர்.