காரைக்கால் பண்பலையில் தீபாவளி சிறப்பு நிகழ்ச்சிகள்

காரைக்கால் அகில இந்திய பண்பலை வானொலியில் புதன்கிழமை காலை முதல் தீபாவளி சிறப்பு நிகழ்ச்சிகள் ஒலிபரப்பாகவுள்ளன.
இதுகுறித்து நிகழ்ச்சி  மற்றும் நிலையத் தலைவர் நா. தமிழ்வாணன் வெளியிட்ட செய்திக் குறிப்பு: தீபாவளியையொட்டி புதன்கிழமை காலை 4.30 மணிக்கு திருஇடையார் ஏ.வி. பாலமுருகன் குழுவினர் நாகசுர இசை, கொங்கன்பட்டு ஏ.வி. முருகையன் தவில் நிகழ்ச்சி. 5.50 மணிக்கு திருவாவடுதுறை ஆதீனம் 24-ஆவது குருமகா சந்நிதானம் அம்பலவாண தேசிக பரமாசார்ய சுவாமிகள் ஆசியுரை. 8 மணிக்கு இமானின் இசைப் பயணமாக திரைப்பட இசையமைப்பாளர் இமான் பங்கேற்ற தீபாவளி சிறப்பு நிகழ்ச்சி.
காலை 10 மணிக்கு எங்க வீட்டுத் தீபாவளி - மகளிர் பங்குபெறும் சிறப்பு நேரலை நிகழ்ச்சி. 11 மணிக்கு ஆயிரம் வாலா வெடிகள் - நேயர்கள் பங்கேற்ற சிறப்பு நகைச்சுவை நிகழ்ச்சி.
பகல் 1 மணிக்கு சரவெடிகள் - தீபாவளி சிறப்பு நகைச்சுவை அரங்கம் - நெறியாளர் - எஸ்.எஸ். சரவணன். பங்கேற்றோர் - சண்முக கண்ணன், சிவ. கிருஷ்ணன்.
பிற்பகல் 2 மணிக்கு பாரம்பரிய பட்டாசு - நெல் ஜெயராமன் பங்கேற்ற தீபாவளி சிறப்பு நேர்காணல். 3 மணிக்கு காத்தாடி ராமமூர்த்தியின் ஸ்டேஜ் கிரியேஷனஸ் குழுவினர் வழங்கும் சுப முகூர்த்தம் நாடகம், மாலை 5 மணிக்கு வெள்ளித் திரையில் தீபாவளி - ஒலித் தொகுப்பு. இரவு 10 மணிக்கு யுகபாரதியின் வெள்ளித்திரைப் பயணம் - கவிஞர் யுகபாரதி பங்கேற்ற சிறப்பு நிகழ்ச்சி ஒலிபரப்பாகவுள்ளதாக அதில் தெரிவிக்கப்பட்டுள்ளது.