குமாரகோவில் வேளிமலை அருள்மிகு குமாரசுவாமிக்கு புஷ்பாபிஷேகம் வெள்ளிக்கிழமை நடைபெற்றது.
இதையொட்டி, கோயில் நடை காலை அதிகாலை 4 .30 மணிக்கு திறக்கப்பட்டது. 4.45-க்கு நிர்மால்யம், 5 மணிக்கு அபிஷேகம், 6.30 மணிக்கு சிறப்பு பூஜையும், பகல் 12 மணிக்கு அலங்கார பூஜையும், அதனை தொடர்ந்து அன்னதானமும் நடைபெற்றது.
மாலையில் நடைபெற்ற பூஜைக்கு பின்பு அருள்மிகு குமாரசுவாமி, வள்ளியம்மை, உள்பட அனைத்து தெய்வங்களுக்கும் புஷ்பாபிஷேகம் தொடர்ந்து 3 மணிநேரம் நடைபெற்றது. பின்னர் குமாரசுவாமிக்கு அலங்கார சிறப்பு பூஜை நடத்தப்பட்டது.
பூஜையில் பெரும்திரளான பக்தர்கள் பங்கேற்றனர். திருக்கோயில் கொடிமரம் மற்றும் கல்தூண்களும் வண்ண மலர்களால் அலங்கரிக்கப்பட்டிருந்தது. ஏற்பாடுகளை கோயில் கண்காணிப்பாளர் ஜீவானந்தம், மேலாளர் மோகன குமார் மற்றும் பணியாளர்கள் செய்திருந்தனர்.