மே 22-ல் விமானப் படைக்கு ஆள்சேர்ப்பு முகாம்

திருச்சி அண்ணா விளையாட்டு மைதானத்தில் இந்திய விமானப் படைக்கு (பெரம்பலூர் மாவட்டம்) ஆள் சேர்ப்பு முகாம் வரும் திங்கள்கிழமை (மே 22) நடைபெறவுள்ளது.
இதுகுறித்து மாவட்ட நிர்வாகம் மேலும் தெரிவித்துள்ளது:
ஏர் மேன் பணியிடத்திற்கான இந்தத் தேர்வில், எஸ்.எஸ்.எல்.சி, பிளஸ் 2 தேர்ச்சி பெற்ற 7.7.1997 முதல் 20.12.2000-க்குள் பிறந்த திருமணமாகாத ஆண்கள் பங்கேற்கலாம். திங்கள்கிழமை (மே 22) காலை 6-10 மணி வரை அரியலூர், பெரம்பலூர் உள்ளிட்ட மாவட்டங்களைச் சேர்ந்தோருக்கு தேர்வு நடைபெறும்.
தகுதி உடையவர்கள் தங்களது 10, 12-ம் வகுப்பு மதிப்பெண் சான்று, மாற்றுச்சான்றுகளுடன் செல்லவேண்டும். மாற்றுச்சான்றிதழை கல்லூரியில் சமர்ப்பித்திருந்தால், பள்ளி அல்லது கல்லூரி முதல்வரிடம் அசல் சான்றுகள் பள்ளி, கல்லூரியில் ஒப்படைக்கப்பட்டுள்ளது என்ற உறுதிசான்றிதழுடன், சுயச் சான்றொப்பமிட்ட சான்றிதழ்களை சமர்ப்பிக்க வேண்டும்.  
இதுகுறித்து மேலும் தகவல்களை w‌w‌w.a‌i‌r‌m‌e‌n‌s‌e‌l‌e​c‌t‌i‌o‌n.‌g‌o‌v.‌i‌n​ என்ற இணையதளத்திலோ அல்லது 044-22390561, 22395553 ஆகிய தொலைபேசி எண்கள் மூலமாக அல்லது c‌o.8a‌sc-​‌t‌n​@‌g‌o‌v‌t.‌i‌n மின்னஞ்சல் மூலமாக தெரிந்துகொள்ளலாம்.