பெரம்பலூர் மேற்கு வானொலி திடலில் அதிமுக 46-வது தொடக்க நாள் விழா பொதுக்கூட்டம் வெள்ளிக்கிழமை நடைபெற்றது.
இதில், குன்னம் தொகுதி சட்டப்பேரவை உறுப்பினரும், மாவட்டச் செயலருமான ஆர்.டி. ராமச்சந்திரன் சிறப்புரையாற்றினார். மாவட்ட அவைத் தலைவர் இரா. துரை தலைமை வகித்தார். ஒன்றியச் செயலர்கள் பி. கிருஷ்ணசாமி, டி.என். சிவபிரகாஷம், என்.கே. கர்ணன், குரும்பலூர் பேரூர் செயலர் வி. செல்வராஜ் ஆகியோர் முன்னிலை வகித்தனர்.
இதில், பெரம்பலூர் தொகுதி மக்களவை உறுப்பினர் ஆர்.பி. மருதராஜா, கட்சி பேச்சாளர் இளஞ்சேரன், மாநில மீனவரணி இணைச் செயலர் பி. தேவராஜன் உள்ளிட்டோர் பங்கேற்றனர். மாவட்ட இணைச் செயலர் எம். ராணி வரவேற்றார். நகரச் செயலர் ஆர். பூபதி நன்றி கூறினார்.