தஞ்சை தெற்கு மாவட்ட திமுக சிறுபான்மை நலப்பிரிவு துணை அமைப்பாளரும், அதிராம்பட்டினம் பேரூராட்சி முன்னாள் தலைவருமான எஸ்.எச்.அஸ்லம் தலைமையில், அக்கட்சி நிர்வாகிகள் ஏ.எம்.அப்துல் ஹலீம், மருதையன், இஷ்ஹாக், எஸ். நிஜாமுதீன், சைபுதீன், எம்.கே.எம். அபுபக்கர், அமீன் உள்பட 40-க்கும் மேற்பட்ட திமுகவினர் தஞ்சாவூர் மக்களவைத் தொகுதி திமுக வேட்பாளர் எஸ்.எஸ்.பழனிமாணிக்கத்தை செவ்வாய்க்கிழமை நேரில் சந்தித்து வாழ்த்து தெரிவித்தனர்.
இதுகுறித்து எஸ்.எச். அஸ்லம் கூறுகையில், தஞ்சாவூர் மக்களவைத் தொகுதி திமுக வேட்பாளர் எஸ்.எஸ். பழனிமாணிக்கத்தை அதிக வாக்குகள் வித்தியாசத்தில் வெற்றி பெறச் செய்ய அதிராம்பட்டினம் பகுதி திமுகவினர் தீவிர வாக்கு சேகரிப்புப் பணியில் ஈடுபட திட்டமிட்டுள்ளோம் என்றார்.