புதுச்சேரி ஜிப்மர் பட்டமளிப்பு விழாவில் பங்கேற்க குடியரசுத் துணைத் தலைவர் வெங்கய்ய நாயுடு அக். 12-ஆம் தேதி புதுச்சேரி வரவுள்ளதாக முதல்வர் வே.நாராயணசாமி தெரிவித்தார்.
புதுச்சேரியில் தனியார் மருத்துவமனை விழாவில் பங்கேற்ற முதல்வர் நாராயணசாமி பேசியதாவது: மருத்துவர்கள் பாதுகாப்புச் சட்டத்தை புதுவையில் அமல்படுத்த அரசு நடவடிக்கை எடுத்து வருகிறது.
புதுச்சேரி சேதராப்பட்டு கிராமத்தில் 50 ஏக்கர் பரப்பில் ரூ. 1,200 கோடியில் உறுப்பு மாற்று அறுவைச் சிகிச்சை மருத்துவமனை அமைய இருக்கிறது.
இதன் அடிக்கல் நாட்டு விழாவில் பங்கேற்கவும், ஜிப்மர் மருத்துவக் கல்லூரி பட்டமளிப்பு விழாவில் பங்கேற்கவும் குடியரசுத் துணைத் தலைவர் வெங்கய்ய நாயுடு வருகிற அக். 12-ஆம் தேதி புதுச்சேரிக்கு வருகிறார் என்றார் அவர்.