உங்களுக்கு ரிஷப லக்னம், தனுசு ராசி, மூலம் நட்சத்திரம். தொழில் ஸ்தானாதிபதியான சனிபகவான் பாக்கியாதிபதியுமாகி உச்சம் பெற்றிருக்கிறார். தற்சமயம் ராகுபகவானின் தசை நடப்பதும் சிறப்பாகும். பூர்வபுண்ணிய ஸ்தானாதிபதி பூர்வபுண்ணிய ஸ்தானத்திலேயே ஆட்சி பெற்றிருக்கிறார். அதனால் இன்னும் ஒன்றரை ஆண்டுக்குள் சொந்தமாக கடையை வாங்குவீர்கள். லக்னாதிபதியும் ஆறாம் வீட்டில் ஆட்சி பெற்றிருப்பதால் கடன்களும் அடைந்துவிடும். உங்கள் மகனுக்கு ரிஷப லக்னம், கும்ப ராசி, பூரட்டாதி நட்சத்திரம் . கல்வி ஸ்தானாதிபதி உச்சம் பெற்று கல்விக்காரகருடன் இணைந்து இருக்கிறார். கல்வி ஸ்தானத்தை குரு சந்திர பகவான்கள் பார்வை செய்கிறார்கள். தற்சமயம் பூர்வபுண்ணிய புத்திர கல்வி காரகரான புதபகவானின் தசை நடக்கின்ற படியால் இன்னும் இரண்டாண்டுகளுக்குள் ஆடிட்டர் படிப்பை முடித்து விடுவார். உங்கள் குடும்ப மேன்மைக்காக பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.