உங்கள் மனைவிக்கு மகர லக்னம், தனுசு ராசி. தற்சமயம் லக்னாதிபதியான சனிபகவானின் தசை நடக்கத் தொடங்கியுள்ளது. பொதுவாக, அனைவருக்கும் லக்னாதிபதியின் தசை நன்மைகளைச் செய்யும். அதோடு அவருக்கு சனிபகவான், குரு, சந்திர, புதபகவான்களுடன் இணைந்திருப்பது சிறப்பு. புதபகவான் ஆரோக்கிய ஸ்தானம் மற்றும் பாக்கியாதிபதியாக ஆவதால் ஏழரை நாட்டு சனியில் பெரிய பாதிப்பு என்று எதுவும் ஏற்படாது. குடும்பத்தின் வளர்ச்சி சிறப்பாகவே அமையும். பிரதி சனிக்கிழமைகளில் சனிபகவானை வழிபட்டு வரச் சொல்லவும்.