உங்களுக்கு தனுசு லக்னம், விருச்சிக ராசி. லக்னம் மற்றும் சுக ஸ்தானத்திற்கு அதிபதியான குருபகவான் பூர்வபுண்ணிய ஸ்தானத்தில் பாக்கியாதிபதியின் சாரத்தில் அமர்ந்து நவாம்சத்தில் மூலத்திரிகோணமடைகிறார். பூர்வபுண்ணியாதிபதி லக்னத்தில் அமர்ந்திருக்கிறார். பாக்கியாதிபதி குடும்ப ஸ்தானத்தில் சுயசாரத்தில் அமர்ந்து இருக்கிறார். தற்சமயம் ஆறு மற்றும் பதினொன்றாம் வீட்டுக்கதிபதியான சுக்கிரபகவானின் தசை நடக்கிறது. சுக்கிரபகவான் தைரிய ஸ்தானத்தில் விபரீத ராஜயோகம் பெற்று நவாம்சத்தில் தன் உச்ச வீட்டை அடைகிறார். உங்களுக்கு களத்திர ஸ்தானம் மற்றும் தொழில் ஸ்தானாதிபதியான புதபகவான் லக்னத்தில் அமர்ந்து களத்திர ஸ்தானத்தைப் பார்வை செய்கிறார். உங்களுக்கு அடுத்த ஆண்டு நவம்பர் மாதத்திற்குள் தகுதியான பெண் அமைந்து திருமணம் கைகூடும். தொடரும் தசைகள் யோக தசைகளாக இருப்பதால் எதிர்காலம் சீரும் சிறப்புமாக அமையும். பிரதி செவ்வாய்க்கிழமைகளில் துர்க்கையை வழிபட்டு வரவும்.