உங்களுக்கு தனுசு லக்னம், கடக ராசி. லக்னாதிபதியும் லாபாதிபதியும் பூர்வபுண்ணிய ஸ்தானத்தில் இணைந்து லாப ஸ்தானத்தைப் பார்வை செய்கிறார்கள். தர்மகர்மாதிபதிகளும் சுக ஸ்தானத்தில் இணைந்து தொழில் ஸ்தானத்தைப் பார்வை செய்கிறார்கள். இதனால் இன்னும் ஒன்றரை ஆண்டுக்குள் அரசு அல்லது அரசு சார்ந்த துறைகளில் வேலை கிடைக்கும். இந்த காலகட்டத்தில் பெற்றோர் நிச்சயித்த திருமணம் கைகூடும். வடகிழக்கு திசையிலிருந்து பெண் அமையும். பிரதி வெள்ளிக்கிழமைகளில் பெருமாளையும் தாயாரையும் வழிபட்டு வரவும்.